భారతదేశం వార్తలు

ఈశాన్య రాష్ట్రాల్లో ఎప్పుడూ కల్లోలంగా ఉండే అసోంలో మరోసారి హింసాకాండ జరిగి, రక్తపుటేరులు పారాయి. బోడో ఉగ్రదాడుల్లో 14 మంది చనిపోయాగా, 20 మంది తీవ్ర గాయాలపాలయ్యారు. భద్రతా దళాలు ముష్కరుల కోసం తీవ్రంగా గాలిస్తున్నారు. కాగా ఓ దుండగుడిని మాత్రం మట్టుబెట్టారు. ఆ ఉగ్రవాది నేషనల్ డెమొక్రటిక్ ఫ్రంట్ ఆఫ్ బోడోల్యాండ్ ముఠాకు చెందిన వ్యక్తి అని తేలింది. ఈ ఉదంతానికి నేషనల్ డెమోక్రటిక్ ఫ్రంట్ ఆఫ్ బోడోల్యాండ్ కారణం అని భద్రతా బలగాలు భావిస్తున్నాయి. 

అసోంలోని కోక్రాఝార్ పట్టణానికి దగ్గరలోని ఉన్న బాలాజాన్ తినియాలీ మార్కెట్లో ఈ దారుణం చోటుచేసుకుంది. మార్కెట్ లో జనాలతో కిక్కిరిసిన టైంలో సైనికుల దుస్తులు, ముఖాలకు ముసుగులు ధరించిన ఐదుగురు ఉగ్రవాదులు ఉన్నట్టుంది విచ్చలవిడిగా కాల్పులకు తెగపడ్డారని తెలిసింది. ఈ ఘటనలో 12 మంది అక్కడికక్కడే ప్రాణాలను కోల్పోగా.. మరో ఇద్దరిని ఆస్పత్రికి తరలిస్తుండగా మరణించారు. దీనిపై పూర్తిస్థాయి విచారణకు ప్రభుత్వం ఆదేశాలు జారీచేసింది.