గేమ్ చేంజర్ నానా హైరానా పడుతున్నాడా?
January 10, 2025
భారీ అంచనాల మద్య రామ్ చరణ్-శంకర్ కాంబో ‘గేమ్ చేంజర్’ నేడు ప్రపంచవ్యాప్తంగా విడుదలైంది. సినీ విశ్లేషకులు గేమ్ చేంజర్కి యావరేజ్ మార్కులు వేసి రివ్యూలు ఇచ్చేశారు.
ఈ సినిమా విడుదలకు ముందు ప్రమోషన్స్లో భాగంగా నానా హైరానా పాట రిలీజ్ చేయగా దానికి మంచి ఆదరణ లభించింది. కానీ ఈరోజు విడుదలైన సినిమాలో ఆ పాట కనిపించకపోవడంతో అభిమానులు తీవ్ర అసహనం చెందారు.
దీనిపై గేమ్ చేంజర్ చిత్ర బృందం స్పందిస్తూ, “కొన్ని సాంకేతిక సమస్యల వలన అందరూ ఎంతో ఇష్టపడిన నానా హైరానా పాటని సినిమా నుంచి తొలగించాల్సి వచ్చింది. ఆ సమస్యని పరిష్కరించేందుకు మేమందరం రేయింబవళ్ళు చాలా కష్టపడుతున్నాం. జనవరి 14న సంక్రాంతి పండుగ రోజున ఆ పాట కూడా సినిమాలోకి వస్తుంది,” అని ట్వీట్ చేసింది.
ఇది సాంకేతిక సమస్య అని చిత్ర బృందం చెప్పుకొంటున్నప్పటికీ, కలెక్షన్స్ పెంచుకునేందుకు ప్రయోగిస్తున్న కొత్త టెక్నిక్ అని కూడా అనుమానించాల్సి ఉంటుంది.
సినిమాలో ఓ పాట ఉండదని దర్శక నిర్మాతలకు ముందే తెలిసి ఉన్నప్పుడు, సినిమా విడుదలకు ముందే ఈ విషయం ప్రకటించి ఉండాలి. ఆ పాట లేకపోయినా సినిమా చూడాలనుకున్నవారే థియేటర్లకు వెళ్ళాలని సూచించవచ్చు. లేదా సినిమాలో ఓ పాట పెట్టనందుకు ఆ మేరకు టికెట్ ఛార్జీలను తగ్గించుకుంటున్నామని ప్రకటించి ఉండవచ్చు. కానీ ప్రపంచవ్యాప్తంగా సినిమా విడుదలైన తర్వాత చల్లగా ఈ విషయం ప్రకటించడం ప్రేక్షకులను మోసాగించడమే కదా?
గేమ్ చేంజర్ సినిమాలో ఈ పాట ఉంటుందని చెప్పే సినిమా విడుదల చేశారు. మొదటి రోజున టికెట్ ఛార్జీలు పెంచుకున్నారు కూడా. మరో పది రోజులు పెంచిన టికెట్ ఛార్జీలే వసూలు చేసుకోబోతున్నారు. కనుక ప్రేక్షకుల నుంచి డబ్బు తీసుకొని ఓ పాట వేయకపోవడం ‘సేవా లోపం’గానే పరిగణించి ఎవరైనా వినియోగదారుల కోర్టులో కేసు వేస్తే, అప్పుడు చిత్ర నిర్మాతలే భారీ మూల్యం చెల్లించాల్సి ఉంటుంది కదా?
Everyone's favorite, #NaanaaHyraanaa | #Lyraanaa | #JaanaHairaanSa from #GameChanger
— Game Changer (@GameChangerOffl) January 9, 2025
has been edited out due to technical challenges encountered during the processing of infrared images in the initial prints. Rest assured, we are diligently working towards adding the song back… pic.twitter.com/N1mQO2GAG6
