పుష్ప-2 నుంచి పీలింగ్స్ సాంగ్ ప్రమో
November 29, 2024
పుష్ప-2 మరో 5 రోజుల్లో విడుదల కాబోతోంది. సినిమా ప్రమోషన్స్‌లో భాగంగా ‘పీలింగ్స్..’ అంటూ సాగే మరో పాట ప్రమో విడుదల చేశారు. పూర్తిపాట డిసెంబర్‌ 1 వ తేదీన హైదరాబాద్‌లో జరిగే ప్రీ రిలీజ్ ఈవెంట్‌లో విడుదల చేయబోతున్నారు.
కేరళలో తన అభిమానుల కోసం పుష్ప-2 లో ఒక పాట మొదటి చరణం లిరిక్స్ మలయాళంలో తయారు చేయించానని అల్లు అర్జున్‌ చెప్పిన సంగతి తెలిసిందే. అదే ఈ పీలింగ్స్ పాట! దీని మలయాళ వెర్షన్సిజు తురావూర్ వ్రాయగా తమన్ స్వరపరిచారు. ఈ పాటని మలయాళంలో అపర్ణా హరికుమార్, ఇందూ సంత్, గాయత్రి రాజీవ్ కలిసి పాడారు.
పుష్ప-2లో ఫహాద్ ఫాసిల్, ధనుంజయ్, సునీల్, రావు రమేష్, అనసూయ, అజయ్, జగపతిబాబు, శ్రీతేజ్, మీమ్ గోపిలు ముఖ్య పాత్రలు చేశారు. పుష్ప-2కి దర్శకత్వం: సుకుమార్, కెమెరా: మీరొస్లా కుబా బ్రోజెక్, సంగీతం: దేవిశ్రీ ప్రసాద్ చేశారు.
ఈ సినిమాని మైత్రీ మూవీ మేకర్స్, ముత్తంశెట్టి మీడియా కలిసి భారీ బడ్జెట్‌తో తెలుగు, తమిళ్, కన్నడ, మలయాళం, హిందీ భాషల్లో పాన్ ఇండియా మూవీగా నిర్మించారు. పుష్ప-2 డిసెంబర్‌ 5న ప్రపంచవ్యాప్తంగా విడుదల కాబోతోంది. ఒకరోజు ముందుగా అంటే డిసెంబర్‌ 4 న అమెరికా తదితర దేశాలలో విడుదల కాబోతోంది.
