మట్కా నుంచి రామాటాకీస్ రోడ్డు మీద మేకింగ్ వీడియో
November 06, 2024
.jpeg)
కరుణా కుమార్ దర్శకత్వంలో వరుణ్ తేజ్, మీనాక్షీ చౌదరి జంటగా 'మట్కా' పీరియాడికల్ మూవీతో నవంబర్‌ 14న ప్రేక్షకుల ముందుకు రాబోతున్నారు. కనుక సినిమా ప్రమోషన్స్‌లో భాగంగా ‘రామాటాకీస్ రోడ్డు మీద...’ అంటూ సాగే పాట మేకింగ్ వీడియోని విడుదల చేశారు. దీని కోసం వేసిన సెట్స్‌లో అద్భుతంగా ఆనాటి రోజులను గుర్తుకు తెస్తున్నాయి. ఇప్పటికే విడుదలైన సినిమా టీజర్‌ వైరల్ అవుతోంది.
టీజర్‌లో పంచ్ డైలాగులు, వరుణ్ తేజ్ గెటప్, నటన, సెట్స్‌లో అన్నీ అద్భుతంగా ఉన్నాయి. జీవీ ప్రకాష్ అందించిన సంగీతం కూడా అద్భుతంగా ఉంది.
ఈ సినిమాలో నోరా ఫతే, నవీన్ చంద్ర, అజయ్ ఘోష్, గోపీ, రూపాలక్ష్మి, విజయరామరాజు, జగదీష్, రాజ్ తిరన్‌దాస్ తదితరులు ముఖ్యపాత్రలు చేశారు.
ఈ సినిమాకి కధ, దర్శకత్వం: కరుణ కుమార్, పాటలు: భాస్కరభట్ల రవి కుమార్, లక్ష్మి భూపాల; సంగీతం: జీవీ ప్రకాష్ కుమార్; కొరియోగ్రఫీ: జానీ మాస్టర్, సతీష్ కృష్ణన్, విజయ్‌ పోలాకి, విజయ్‌ సాగర్; కెమెరా: ఏ కిషోర్ కుమార్; జానా; స్టంట్స్‌: విజయ్‌ మాస్టర్, రామ్ సుంకర, నిఖిల్; ఎడిటింగ్: కార్తీక శ్రీనివాస్ చేశారు.
వైరా ఎంటర్‌టైన్‌మెంట్స్,ఎస్‌ఆర్‌టీ ఎంటర్‌టైన్‌మెంట్స్ బ్యానర్లపై డాక్టర్ తీగల విజయేందర్ రెడ్డి, రజని తాళ్ళూరి ఈ సినిమాని తెలుగు, తమిళ్, కన్నడ, మలయాళం, హిందీ భాషల్లో పాన్ ఇండియా మూవీగా సిద్దం చేశారు.
