అప్పుడో ఇప్పుడో ఎప్పుడో అంటున్న నిఖిల్
October 06, 2024
సుధీర్ వర్మ నిఖిల్ కాంబినేషన్‌లో స్వామి రారా, కేశవ రెండు సినిమాలు చేశారు. ఇప్పుడు వారిద్దరూ కలిసి మూడో సినిమా చేస్తున్నారు. బొమ్మరిల్లు సినిమాలోని ‘అప్పుడో ఇప్పుడో ఎప్పుడో…’ అనే పాట చరణంలో మొదటి మూడు పదాలను ఈ సినిమాకి టైటిల్‌గా ఖరారు చేశారు.
ఈ సినిమాతో కన్నడ నటి రుక్మిణీ వసంత్ టాలీవుడ్‌లో హీరోయిన్‌గా అడుగుపెడుతోంది. హీరో హీరోయిన్లు హాయిగా కబుర్లు చెప్పుకొంటూ నడుస్తున్న ఫోటోతో ఫస్ట్-లుక్ పోస్టర్‌ విడుదల చేశారు. ఈ దీపావళికి సినిమా రిలీజ్ చేయబోతున్నట్లు పోస్టర్లోనే చెప్పేశారు.
ఈ సినిమాలో దివ్యాంషు కౌశిక్, హర్ష చేముదు తదితరులు ముఖ్యపాత్రలు చేస్తున్నారు. ఈ సినిమాకి సన్నీ ఎంఆర్ సంగీతం అందిస్తుండగా, నేపద్య గాయకుడు కార్తీక్ పాటలకు సంగీతం అందిస్తున్నారు. శ్రీ వేంకటేశ్వర సినీ చిత్ర బ్యానర్‌పై బీవీఎస్ఎన్ ప్రసాద్ ఈ సినిమా నిర్మిస్తున్నారు.
