గేమ్ ఛేంజర్‌ రా మచ్చ మచ్చా... అచ్ఛా అచ్ఛా!
October 01, 2024
రామ్ చరణ్‌-శంకర్ కాంబినేషన్‌లో ‘గేమ్ ఛేంజర్‌’ సినిమా ఈ ఏడాది డిసెంబర్‌ 20వ తేదీన విడుదల కాబోతోంది. కనుక మెల్లగా ఈ సినిమా నుంచి ఒక్కో పాట విడుదల చేస్తున్నారు. ‘రా మచ్చ మచ్చా...’ అంటూ సాగే రెండో పాట సోమవారం విడుదలైంది.
అనంత్ శ్రీరామ్ వ్రాసిన ఈ పాటని ధమన్ స్వరపరచగా నాకాశ్ అజీజ్ హుషారుగా పాడారు. ఈ ఫాస్ట్ బీట్ పాటకి రామ్ చరణ్‌ బృందం చేసిన డాన్స్ అద్భుతంగా ఉంది. పాట సంగీతం కంటే ఈ పాటలో డ్యాన్స్ చేసిన కళాకారుల వేషధారణ చాలా కలర్ ఫుల్‌గా బాగుంది.
ఈ సినిమాలో ద్విపాత్రాభినయం చేస్తున్న రామ్ చరణ్‌కి జోడీగా కియరా అద్వానీ, అంజలి నటించారు. ఎస్‌జె.సూర్య, శ్రీకాంత్, నవీన్ చంద్ర, సునీల్, జయరాం తదితరులు ముఖ్యపాత్రలు చేస్తున్నారు.
శ్రీ వేంకటేశ్వర క్రియెషన్స్ బ్యానర్‌పై దిల్‌రాజు, శిరీశ్ కలిసి నిర్మిస్తున్న గేమ్ ఛేంజర్‌ సినిమాకు స్టోరీ లైన్: కార్తీక్ సుబ్బరాజు, కధ: ఎస్.యు వెంకటేశన్, ఫర్హాద్ సంజీ, వివేక్, డైలాగ్స్: సాయి మాధవ్ బుర్ర, దర్శకత్వం: శంకర్, సంగీతం: థమన్, కెమెరా: ఎస్.తిరునవుక్కరసు, పాటలు: రామజోగయ్య శాస్త్రి, అనంత్ శ్రీరామ్, కాసర్ల శ్యామ్, యాక్షన్: ఆన్భైరవ్, కొరియోగ్రఫీ: ప్రభుదేవా, ప్రేమ్ రక్షిత్, గణేశ్ ఆచార్య, బోస్కో మార్షియా, జానీ, శాండీ, ఆర్ట్: అవినాష్ కొల్ల చేస్తున్నారు.
2.jpeg "ప్రభాస్‌ డార్లింగ్... ఫ్యాన్స్ వెయిటింగ్ ఇక్కడ")
