మా నాన్న సూపర్ హీరో నుంచి వేడుకలో... సాంగ్‌
September 29, 2024
యువ నటుడు సుధీర్ బాబు, సీనియర్ నటులు షాయాజీ షిండే, సాయి చంద్ ప్రధాన పాత్రలలో ‘మా నాన్న సూపర్ హీరో’ సినిమాతో వచ్చే నెల 11న విడుదల కాబోతోంది. ‘లూజర్’ ఫేమ్ దర్శకుడు అభిలాష్ రెడ్డి కంకర ఈ సినిమాకి దర్శకుడు. ఇటీవల ఈ సినిమా నుంచి “అనగనగా కధ చెపుతాను... ఆ కధలో మా నాన్నే హీరో...” అంటూ సాగే చక్కటి పాటని రిలీజ్ చేయగా దానికి మంచి ఆదరణ లభించింది.
ఇప్పుడు వేడుకలో అంటూ సాగే ఓ పెళ్ళి పాటని విడుదల చేశారు. సేనాపతి భరద్వాజ పాత్రుడు వ్రాసిన ఈ పాటని జై క్రిష్ స్వరపరచగా ఐశ్వర్య దారురి, బృంద, చైతు సత్సంగి, అఖిల్ చంద్ర చక్కగా పాడారు.
ఈ సినిమాలో ఆర్ణ, రాజు సుందరం, శశాంక్, ఆమని, చంద్ర వెంపటి తదితరులు ముఖ్యపాత్రలు చేస్తున్నారు.
ఈ సినిమాకి సంగీతం: జయ్ క్రిష్, కెమెరా: సమీర్ కళ్యాణి, కొరియోగ్రఫీ: దిల్‌రాజు సుందరం, డైలాగ్స్: భరద్వాజ్, శ్రావణ్, అభిలాష్, ఎడిటింగ్: అనిల్ కుమార్‌ చేస్తున్నారు. వీ సెల్యూలాయిడ్స్ బ్యానర్‌పై సునిల్ బలుసు ఈ సినిమాని నిర్మిస్తున్నారు.
2.jpeg "ప్రభాస్‌ డార్లింగ్... ఫ్యాన్స్ వెయిటింగ్ ఇక్కడ")
