సత్యం సుందరం టీజర్‌
September 14, 2024
తమిళ నటులు కార్తీ, అరవింద్ స్వామి తెలుగు ప్రేక్షకులకి ఎప్పటి నుంచో పరిచయం. వారిద్దరూ చేసిన ‘సత్యం సుందరం’ సినిమా జర్‌ నిన్న విడుదల చేసింది. ప్రేమ్ కుమార్‌ దర్శకత్వంలో తెరకెక్కించిన ఈ సినిమాలో అరవింద స్వామి, కార్తీ, రాజ్ కిరణ్, శ్రీ దివ్య తదితరులు ముఖ్య పాత్రలు చేశారు. టీజర్‌లో అరవింద స్వామి, కార్తీ ఇద్దరూ తమదైన శైలిలో నటించారు.
తెలుగు, తమిళ భాషలలో నిర్మించి ఒకే రోజున ఈ సినిమాని ఈ నెల 28న థియేటర్లలో విడుదల చేయబోతున్నారు. సూర్య, జ్యోతిక దంపతుల సొంత బ్యానర్ 2డి ఎంటర్‌టైన్‌మెంట్‌పై ఈ సినిమాను వారే నిర్మించారు.
ఈ సినిమాకి పాటలు: రాకేందు మౌళి, సంగీతం: గోవింద్ వసంత, కెమెరా: మహేంద్రన్ రాజు, ఎడిటింగ్: గోవింద రాజ్, ఆర్ట్: అయ్యప్పన్ చేశారు.
జూ.ఎన్టీఆర్‌, జాన్వీ కపూర్‌ జంటగా నటించిన దేవర సినిమా భారీ అంచనాలతో ఈ నెల 27న విడుదల కాబోతోంది. ఆ మర్నాడే ‘సత్యం సుందరం’ విడుదల చేస్తుండటం గమనిస్తే, దేవరతో పోటీని తట్టుకొని నిలబడగలదని దర్శక నిర్మాతలు తమ సినిమాపై గట్టి నమ్మకమే పెట్టుకున్నట్లు భావించవచ్చు.
2.jpeg "ప్రభాస్‌ డార్లింగ్... ఫ్యాన్స్ వెయిటింగ్ ఇక్కడ")
