మెకానిక్ రాఖీ నుంచి గుల్లేడు గుల్లేడు గులాబీలు...
August 07, 2024
మాస్ కా దాస్ విశ్వక్ సేన్ హీరోగా కొత్త దర్శకుడు ముళ్ళపూడి రవితేజ దర్శకత్వంలో చేస్తున్న ‘మెకానిక్ రాఖీ’ సినిమా నుంచి గుల్లేడు గుల్లేడు గులాబీలు అంటూ సాగే లిరికల్ సాంగ్ ఈరోజు విడుదలైంది. సుద్దాల అశోక్ తేజ వ్రాసిన ఈ పాటని జెక్స్ బెజోయ్ స్వరపరచగా మంగ్లీ సుమధురంగా పాడారు. అయితే ఈ పాట, బీట్, డాన్స్ కంపోజిషన్ అన్ని ఎప్పుడో విన్నట్లు, చూసిన్నట్లు అనిపించక మానదు.
ఈ సినిమాలో విశ్వక్ సేన్కు జోడీగా మీనాక్షీ చౌదరి నటిస్తోంది. సిద్ధార్థ్ శ్రీనాథ్, సునీల్, నరేశ్, హైపర్ ఆడీ, హర్షవర్ధన్, వివా హర్ష, రఘురాం తదితరులు ముఖ్యపాత్రలు చేస్తున్నారు.
మెకానిక్ రాఖీ దీపావళి పండుగ సందర్భంగా అక్టోబర్ 31న ప్రేక్షకుల ముందుకు రాబోతున్నాడు. ఈ సినిమాకి కధ, దర్శకత్వం: రవితేజ ముళ్ళపూడి, సంగీతం: జేక్స్ బిజోయ్, కెమెరా: మనోజ్ రెడ్డి కాటసాని, యాక్షన్: సుప్రీం సుందర్, కొరియోగ్రఫీ: భాను, యష్, ఎడిటింగ్: అన్వర్ అలీ చేస్తున్నారు. మెకానిక్ రాఖీని ఎస్ఆర్టి ఎంటర్టైన్మెంట్స్ బ్యానర్పై రామ్ చరణ్ తాళ్ళూరి నిర్మిస్తున్నారు.
.jpeg "కన్నప్పలో సంపత్ ఫస్ట్-లుక్ పోస్టర్")