దేవర నుంచి రెండో పాట సోమవారం రిలీజ్
August 03, 2024
జూ.ఎన్టీఆర్, జాన్వీ కపూర్ జంటగా చేస్తున్న దేవర సినిమా నుంచి రెండో పాట సోమవారం విడుదల కాబోతోందని తెలియజేస్తూ సోషల్ మీడియాలో ఓ పోస్టర్ పెట్టారు. దట్టమైన అడవిలో హీరో హీరోయిన్ల రొమాంటిక్ సాంగ్ అని పోస్టర్ చూడగానే అర్దమవుతుంది. ఇంతవరకు వచ్చిన పోస్టర్లలో జూ.ఎన్టీఆర్ని నల్లదుస్తులలో చూపారు. కానీ ఇది రొమాంటిక్ సాంగ్ కనుక చక్కటి దుస్తులలో కనిపిస్తారు. హీరోయిన్ జాన్వీ కపూర్ మిలమిల మెరిసిపోయే తెల్లరంగు దుస్తులలో వనకన్యలా ఉంది.
కొరటాల శివ దర్శకత్వంలో సిద్దమవుతున్న ‘దేవర’ మొదటి భాగం అక్టోబర్ 10వ తేదీన విడుదల కాబోతోంది. మే 20న జూ.ఎన్టీఆర్ పుట్టినరోజు సందర్భంగా ఒకరోజు ముందుగా మే 19న దేవర విడుదల చేసిన ఫస్ట్ సింగిల్ (లిరికల్ వీడియో సాంగ్) చాలా అద్భుతంగా ఉంది.
ప్రకాష్ రాజ్, శ్రీకాంత్, నారాయణ్, రమ్యకృష్ణ, చైత్ర రాయ్, కలైయరసన్, షైన్ టామ్ చాకో తదితరులు దేవరలో ముఖ్య పాత్రలు చేస్తున్నారు. బాలీవుడ్ నటుడు సైఫ్ ఆలీ ఖాన్ విలన్గా నటిస్తున్నారు.
ఈ సినిమాకు కధ, స్క్రీన్ ప్లే, దర్శకత్వం: కొరటాల శివ, సంగీతం: అనిరుధ్ రవిచంద్ర, కెమెరా:ఆర్. రత్నవేలు, స్టంట్ డైరెక్టర్ కెన్నీ బెట్స్, ఎడిటింగ్: ఏ. శ్రీకర్ ప్రసాద్ చేస్తున్నారు.
యువసుధ ఆర్ట్స్, ఎన్టీఆర్ ఆర్ట్స్ బ్యానర్లపై సుధాకర్ మిక్కిలినేని, కొసరాజు హరికృష్ణ, నందమూరి కళ్యాణ్ రామ్ కలిసి రూ.300కోట్ల భారీ బడ్జెట్తో పాన్ ఇండియా మూవీగా దీనిని నిర్మిస్తున్నారు. సెప్టెంబర్ 27వ తేదీన దేవర విడుదల కాబోతోంది.
.jpeg "కన్నప్పలో సంపత్ ఫస్ట్-లుక్ పోస్టర్")