మిస్టర్ బచ్చన్ పవర్ ఫుల్ డైలాగ్స్ విన్నారా?
July 28, 2024
మాస్ మహారాజ రవితేజ హరీష్ శంకర్ కాంబినేషన్లో ఆగస్ట్ 15న వస్తున్న మిస్టర్ బచ్చన్ సినిమా విడుదల కాబోతోంది. ఈ సందర్భంగా ఆ సినిమా కోసం రవితేజ డబ్బింగ్ చెప్పారు. ‘సక్సస్, ఫెయిల్యూర్స్ ఇంటికి వచ్చే చుట్టాలవంటివి కానీ...’ అంటూ రవితేజ చెప్పిన ఓ డైలాగ్ని దర్శకుడు హరీష్ శంకర్ ట్విట్టర్లో పోస్ట్ చేశారు.
నేను మాట ఇచ్చాను నిలబెట్టుకున్నాను అంటూ హరీష్ శంకర్ వ్రాశారు. ట్విట్టర్లో దీనిని పెట్టినప్పటికీ దీనిని ‘ప్రైవేట్ ఆప్షన్’ కింద ఉంచడంతో ఈ వీడియో షేరింగ్ సాధ్యం కాదు. అభిమానులు ఎవరైనా చూడాలనుకుంటే ట్విట్టర్లో దర్శకుడు హరీష్ శంకర్ అకౌంట్లో చూడవచ్చు.
ఈ సినిమాలో రవితేజ, బాలీవుడ్ బ్యూటీ భాగ్యశ్రీ బోర్సే జంటగా నటిస్తుండగా జగపతిబాబు కీలకపాత్ర చేస్తున్నారు.
ఈ సినిమాకు సంగీతం: మిక్కీ జె.మేయర్, కెమెరా: అయాంక బోస్, ఎడిటింగ్: ఉజ్వల్ కులకర్ణి, ఫైట్స్: రామ్ లక్ష్మణ్, పృధ్వీ, స్క్రీన్ ప్లే రైటర్స్: రమేశ్ రెడ్డి, స్టీష్ వెజ్ఞెశ, ప్రవీణ్ వర్మ, దత్తాత్రేయ, తన్వీ కేసరి, వీఎఫ్ఎక్స్: డెక్కన్ డ్రీమ్స్.
పీపుల్ మీడియా ఫ్యాక్టరీ, పనోరమ స్టూడియోస్, టీ సిరీస్ స్టూడియోస్ బ్యానర్లపై టిజి విశ్వప్రసాద్, వివేక్ అగ్నిహోత్రి కూచిబొట్ల కలిసి ఈ సినిమాని నిర్మిస్తున్నారు. ఆగస్ట్ 15వ తేదీన మిస్టర్ బచ్చన్ ప్రపంచవ్యాప్తంగా విడుదల కాబోతోంది.
