భగవంత్ కేసరి ట్రైలర్‌ ముహూర్తం ఖరారు
October 02, 2023
నందమూరి బాలకృష్ణ, కాజల్ అగర్వాల్ జంటగా నటిస్తున్న భగవంత్ కేసరి సినిమా అక్టోబర్ 19న విడుదలకాబోతోంది. కనుక ప్రమోషన్స్ వేగం పెంచుతూ 4వ తేదీన రెండో పాట, 8వ తేదీన ట్రైలర్‌ విడుదలచేయబోతున్నారు.
ఈ సినిమాలో బాలకృష్ణ, కాజల్ కూతురుగా శ్రీలీల నటిస్తోంది. ఇటీవల విడుదలైన గణేశ్ ఏంథమ్, ఈ సినిమా మేకింగ్ వీడియోలకి మంచి స్పందన రావడంతో అభిమానులు ట్రైలర్‌, సినిమా కోసం ఆతృతగా ఎదురుచూస్తున్నారు.
ఈ సినిమాలో రాంపాల్, శ్రవణ్, ప్రియాంకా జవల్కర్ తదితరులు ముఖ్య పాత్రలు చేశారు. అనిల్ రావిపూడి దర్శకత్వంలో తెరకెక్కిన ఈ సినిమాను షైన్ స్క్రీన్ బ్యానర్‌పై హరీష్ శంకర్‌ పెద్ది, సాహు గారపాటి నిర్మించారు. ఈ సినిమాకు కధ, స్క్రీన్ ప్లే, దర్శకత్వం: అనిల్ రావిపూడి, సంగీతం: ఎస్ఎస్ ధమన్, కెమెరా: సి.రాంప్రసాద్, ఎడిటింగ్: తమ్మిరాజు, స్టంట్స్‌: వి వెంకట్ చేశారు.
