‘కుమారి శ్రీమతి’ టీజర్‌ భలే ఉందిగా
September 20, 2023
నిత్యామీనన్ ప్రధాన పాత్రలో ‘కుమారి శ్రీమతి’ వెబ్‌ సిరీస్‌ అమెజాన్ ప్రైమ్‌లో ఈ నెల 28 నుంచి ప్రసారం కాబోతోంది. శ్రీనివాస్ అవసరాల అందించిన కధతో గోమటేశ్ ఉపాధ్యాయ దర్శకత్వంలో దీనిని తెలుగు, తమిళ్, మలయాళం, హిందీ భాషలలో తెరకెక్కిస్తున్నారు. తాజాగా విడుదలైన ఈ వెబ్‌ సిరీస్‌ టీజర్‌లో నిత్యామీనన్ ఓ పెళ్ళికాని కోపిష్టి అమ్మాయిగా చాలా చక్కగా నటించింది. త్వరలోనే ట్రైలర్‌ విడుదల చేస్తామని టీజర్‌లోనే తెలియజేశారు.
ప్రముఖ సినీ నిర్మాణ సంస్థ ఇటువంటి వెబ్‌ సిరీస్‌ నిర్మాణం కోసమే ప్రత్యేకంగా ఏర్పాటు చేసిన ‘ఎర్లీ మాన్‌సూన్ టేల్స్’ ద్వారా దీనిని నిర్మిస్తోంది.
ఈ వెబ్‌ సిరీస్‌లో నిత్యా మీనన్, గౌతమి, తాళ్ళూరి రామేశ్వరి, ప్రేమ్ సాగర్, ప్రణీత పట్నాయక్, డాక్టర్ విజయ కృష్ణ నరేశ్, లక్ష్మి వెన్నెల్ల, ఉషశ్రీ, గవిడిరెడ్డి శ్రీనివాస్, అక్ష్య లుంగుసాని,మహేశ్ ఆచంట, మాధవీలత, సుబ్బరాయ శర్మ, రామ్, లక్ష్మణ్, శ్రీవాణి, వేణు పొలసాని , నిరుపమ్ పరిటాల, తిరువీర్ నటిస్తున్నారు.
ఈ వెబ్‌ సిరీస్‌కు స్క్రీన్ ప్లే, డైలాగ్స్: అవసరాల, కధ: బలబద్రపాత్రుని రమణి, మల్లిక్ రామ్, సంగీతం: స్టాకటో, కమ్రాన్, కెమెరా: మోహన్ కృష్ణ, ఎడిటింగ్: సృజన అడుసుమిల్లి చేస్తున్నారు.
.jpg "పుష్ప-2 పీలింగ్స్ అదిరిపోయిందిగా")
.PNG "హైదరాబాద్‌లో పుష్పరాజ్ చోటు మార్చాడు తెలుసా?")
1.jpeg "అప్పుడే నెట్‌ఫ్లిక్స్‌లోకి మట్కా")
