సమంత, మలయాళ నటుడు దేవ్ మోహన్ శకుంతల, దుష్యంతులుగా నటించిన శాకుంతలం సినిమా నుంచి మరో సంగీత ప్రధానమైన ఋషీవనంలోన... స్వర్గధామం... అనే లిరికల్ వీడియో సాంగ్ని ఈరోజు విడుదల చేశారు. శ్రీమణి వ్రాసిన ఈ పాటకి కీరవాణి స్వరపరచగా చిన్మయి, సిద్ శ్రీరామ్ ఆలపించారు. ఇంతకు ముందు విడుదల చేసిన మల్లికా మల్లికా... అనే పాటతో పోలిస్తే ఈ పాట అంతగా ఆకట్టుకోకపోయినా, ఇదొక రొమాంటిక్ సిట్యువేషనల్ సాంగ్ కనుక సినిమా చూడకుండా పాటని ఇప్పుడే తక్కువగా అంచనా వేయడం సరికాదు.
ఈ సినిమాలో అల్లు అర్జున్ కుమార్తె అర్హ, మోహన్ బాబు, ప్రకాష్ రాజ్, గౌతమి, అదితి బాలన్, అనన్య తదితరులు ముఖ్యపాత్రలు చేశారు.
దిల్రాజు సమర్పణలో శ్రీ వేంకటేశ్వర క్రియెషన్స్ నీలిమ గుణ ఈ సినిమాను గుణా టీం వర్క్స్ బ్యానర్పై నిర్మించారు. శాకుంతలం సినిమాని తెలుగు, తమిళ్, కన్నడ, మలయాళం, హిందీ భాషలలో పాన్ ఇండియా మూవీగా ఫిభ్రవరి 17వ తేదీన ప్రపంచవ్యాప్తంగా విడుదల చేయబోతున్నారు.