సమంత ప్రధాన పాత్రలో హరి, హరీష్ దర్శకత్వంలో రూపొందుతున్న యశోద చిత్రం షూటింగ్ గత నెలలోనే ప్రారంభమైంది. ఫ్యామిలీ మ్యాన్-2 వెబ్ సిరీస్తో సమంత జాతీయ, అంతర్జాతీయ గుర్తింపు పొందడంతో యశోదను పాన్ ఇండియా మూవీగా తెలుగు, తమిళ్, కన్నడ, మలయాళం, హిందీ భాషల్లో శ్రీదేవీ మూవీస్ బ్యానర్లో నిర్మిస్తున్నట్లు ఈ సినిమా నిర్మాత శివలెంక కృష్ణ ప్రసాద్ తెలిపారు. ఈ సినిమా షూటింగ్ మార్చి నెలాఖరుకి పూర్తి చేసి ఏప్రిల్ నెలలో విడుదల చేయాలని భావిస్తునట్లు తెలిపారు.
ఈ సినిమాలో సమంత ఓ గర్భిణి నర్సుగా చేస్తున్నట్లు ఓ వార్త బయటకు వచ్చింది. కానీ సినీ దర్శక నిర్మాతలు దీనిని దృవీకరించవలసి ఉంది.
యశోద తెలుగు వెర్షన్కు మణిశర్మ సంగీతం, ఎం.సుకుమార్ కెమెరా, మార్తాండ్ కె వెంకటేష్ ఎడిటింగ్, డా.చల్లా భాగ్యలక్ష్మి, చిన్న నారాయణ మాటలు, రామజోగయ్య శాస్త్రి పాటలు అందిస్తున్నారు.