సమంతా! ఉ...అంటావా...ఊఊ...అంటావా?
December 03, 2021
సుకుమార్ దర్శకత్వంలో అల్లు అర్జున్, రష్మికా మందన జంటగా నటిస్తున్న పుష్ప సినిమాకు సంబందించిన వెలువడుతున్న వార్తలు, ఆ సినిమా టీజర్, పాటలతో రిలీజ్ కాకమునుపే చాలా భారీ అంచనాలు ఏర్పడేలా చేస్తోంది. ఈ సినిమాలో సమంత ఓ ప్రత్యేక గీతంలో అల్లు అర్జున్‌తో కలిసి చిందేయబోతోందనే సంగతి తెలిసిందే. ఆ పాటకు సంబందించి ఓ ఆసక్తికరమైన వార్త బయటకు పోక్కింది. దాని లిరిక్స్ ఉ...అంటావా...ఊఊ...అంటావా?అంటూ మొదలవుతాయనేది దాని సారాంశం. ఇప్పటికే విడుదలైన నాలుగు సాంగ్స్‌ ఓ రేంజ్‌లో ఉన్నాయి. సమంత చేస్తున్న ఈ సాంగ్‌ వాటిని మించినదిగా ఉంటుందని తెలుస్తోంది. అందుకే ఈ మూవీ మేకర్స్ ఈ పాటకు సమంతను ఎరికోరి తీసుకొన్నారని తెలుస్తోంది. ఈ నెల 17న ‘పుష్ప ది రైజ్’ పార్ట్-1 ప్రపంచవ్యాప్తంగా రిలీజ్ కాబోతోంది. కనుక త్వరలోనే సమంత చేసిన ఈ ప్రత్యేక గీతం కూడా విడుదలకానుంది. పాన్ ఇండియా సినిమాగా నిర్మిస్తున్న పుష్ప హిందీ వెర్షన్‌ టీజర్‌ను ఉత్తరాది రాష్ట్రాలలో థియేటర్లలో విడుదల చేశారు. దానికి హిందీ మాట్లాడే ప్రజల నుంచి మంచి స్పందన వస్తోంది.
.png "దుబాయ్‌లో అల్లు అర్జున్ విగ్రహం... పక్కనే అల్లు అర్జున్ ఫోటో!")
