జక్కన్న మెచ్చిన 'ఆకాశవాణి' టీజర్..!
March 06, 2021
అశ్విన్ గంగరాజు దర్శకత్వంలో సముద్రఖని లీడ్ రోల్ లో నటించిన ఆకాశవాణి సినిమా టీజర్ ను దర్శక ధీరుడు టాలీవుడ్ జక్కన్న రాజమౌళి రిలీజ్ చేశారు. ఈ సందర్బంగా ఆయన టైటిల్ పై ప్రశంసలు కురిపించి చిత్ర యూనిట్ సభ్యులకు గుడ్ లక్ తెలిపారు. ఈ సినిమాను ప్రారంభించి దాదాపుగా మూడు సంవత్సరాలు అవుతుంది. కొన్ని కారణాల వల్ల ఆలస్యం అయ్యింది. గత ఏడాది విడుదల చేయాలనుకుంటే కరోనా అడ్డు వచ్చింది. ఎట్టకేలకు ఈ సినిమా విడుదలకు సిద్దం అవుతుంది. థియేటర్లలో అతి త్వరలోనే ఈ సినిమాను విడుదల చేయబోతున్నట్లుగా చిత్ర యూనిట్ సభ్యులు టీజర్ విడుదల సందర్బంగా క్లారిటీ ఇచ్చారు. ఈ టీజర్ సినిమాపై అంచనాలు పెంచే విధంగా ఉందని ఆడియెన్స్ అంటున్నారు.
అటవి ప్రాంతంకు చెందిన అమాయకపు జనాల జీవితం ఆధారంగా ఈ సినిమాను తెరకెక్కించారు. వారి జీవితంలో చోటు చేసుకున్న ఒక చేదు సంఘటనకు సంబంధించి కథ సాగుతుందని టీజర్ ను బట్టి అర్థం అవుతుంది. పీరియాడిక్ డ్రామా గా రూపొందుతున్న ఈ సినిమాలో కనిపిస్తున్న వారు ఎక్కవగా కొత్త వారే. అయినా కూడా ఈ సినిమా లో ట్యాలెంటెడ్ యాక్టర్ అయిన సముద్రఖని మరియు వినయర్ వర్మ లు నటించడం వల్ల సినిమాపై అంచనాలు పెరిగాయి. దానికి తోడు ఈ సినిమా కు కాళ భైరవ సంగీతాన్ని అందించడం కూడా ఇండస్ట్రీ వర్గాల్లో ఆసక్తి కలిగేలా ఛేసింది. అశ్విన్ గంగరాజు ఈ సినిమాను వైవిధ్యభరిత కథాంశంతో రూపొందించడంతో పాటు సంగీతం విషయమై కూడా చాలా జాగ్రత్తలు తీసుకున్నట్లుగా టీజర్ బ్యాక్ గ్రౌండ్ ను వింటే అర్థం అవుతుంది. అతి త్వరలోనే ఆకాశవాణి నుండి రిలీజ్ డేట్ వస్తుందేమో చూడాలి.
.png "దుబాయ్‌లో అల్లు అర్జున్‌ విగ్రహం... పక్కనే అల్లు అర్జున్‌ ఫోటో!")
