పవర్ స్టార్ పవన్ కళ్యాణ్ లీడ్ రోల్ లో వేణు శ్రీరాం డైరక్షన్ లో వస్తున్న సినిమా వకీల్ సాబ్. బాలీవుడ్ లో సూపర్ హిట్టైన పింక్ సినిమా తెలుగు రీమేక్ గా ఈ సినిమా వస్తుంది. సినిమాలో పవర్ స్టార్ పవన్ కళ్యాణ్ లాయర్ గా కనిపిస్తున్నారు. దిల్ రాజు, బోనీ కపూర్ నిర్మిస్తున్న ఈ సినిమాలో పవన్ తో పాటుగా శృతి హాసన్, నివేదా థామస్, అంజలి వంటి స్టార్స్ నటిస్తున్నారని తెలుస్తుంది. ఇక ఈ సినిమా నుండి మగువ సాంగ్ రిలీజ్ కాగా సినిమా నుండి సత్యమేవ జయతే సాంగ్ రిలీజ్ చేశారు.
థమన్ మ్యూజిక్ అందిస్తున్న వకీల్ సాబ్ నుండి వచ్చిన ఈ సెకండ్ సింగిల్ కూడా ప్రేక్షకులను మెప్పిస్తుంది. పవన్ సినిమాలో పాత్ర గురించి మాత్రమే కాదు బయట ఆయనకు ఉన్న ఇమేజ్ కు తగినట్టుగా ఈ పాట లిరిక్స్ రాసినట్టు తెలుస్తుంది. మగువ సాంగ్ తోనే అదరగొట్టిన థమన్ ఈ సత్యమేవ జయతే సాంగ్ తో మరోసారి సూపర్ అనిపించేసుకున్నాడు.