హైదరాబాద్‌లో మరో గ్యాంగ్ రేప్.. అందరూ విద్యార్దులే!
హైదరాబాద్‌లో మరో గ్యాంగ్ రేప్ జరిగింది. హయత్ నగర్‌ పోలీస్ స్టేషన్‌ పరిధిలో పదో తరగతి విద్యార్ధిని ఆమె సాటి విద్యార్థులే ఐదుగురు సామూహిక అత్యాచారం చేశారు. అయితే నాలుగు నెలల క్రితం ఈ అత్యాచారం జరుగగా ఇప్పుడు బయటకి పొక్కింది. అత్యాచారం చేస్తున్నప్పుడు ఆ విద్యార్థులు వీడియో తీశారు. ఈ విషయం గురించి తల్లితండ్రులకు చెప్పినా, పోలీసులకు ఫిర్యాదు చేసినా ఆ వీడియోని సోషల్ మీడియాలో పెట్టేస్తామని వారు ఆ బాలికని బెదిరించి మళ్ళీ మరోసారి ఆమెపై అత్యాచారం చేశారు. అయినా ఆమె భయపడి ఎవరికీ ఈ విషయం గురించి చెప్పలేదు. కానీ ఆమెపై అత్యాచారానికి పాల్పడిన విద్యార్థులలోనే ఒకరు ఆ వీడియో తోటి స్నేహితులకు పంపించడంతో ఈ విషయం బయటకి పొక్కి ఆమె తల్లితండ్రులకు కూడా తెలిసింది. వారు వెంటనే హయత్ నగర్‌ పోలీసులకు ఫిర్యాదు చేయడంతో పోక్సో చట్టం కింద కేసు నమోదు చేసి, ఆ ఐదుగురు విద్యార్థులను జువైనల్ కోర్టులో హాజరుపరిచి జువైనల్ హోమ్‌కి తరలించారు.
ఒకప్పుడు కరడుగట్టిన నేరస్తులే ఇటువంటి హేయమైన నేరాలు చేసేవారు. ఆ తర్వాత క్రమంగా ఈ జాడ్యం సమాజంలో సాధారణ వ్యక్తులకు కూడా వ్యాపించడంతో ఇటువంటి నేరాల సంఖ్య గణనీయంగా పెరిగింది. ఇప్పుడు పదో తరగతి చదువుతున్న విద్యార్థులు కూడా ఇటువంటి హేయమైన నేరాలకు పాల్పడుతుండటం చాలా ఆందోళనకరమైన పరిస్థితే అని చెప్పవచ్చు.
