టాలీవుడ్ వార్తలు

గురు తర్వాత కొద్దిపాటి గ్యాప్ తో సినిమా షురూ చేశాడు విక్టరీ వెంకటేష్. తేజ డైరక్షన్ లో ఈరోజు తన తర్వాత సినిమా మొదలు పెట్టాడు వెంకటేష్. ఆట నాదే వేటా నాదే అనే టైటిల్ ఫిక్స్ చేసినట్టు తెలుస్తుంది. ఇక ఈ సినిమాలో హీరోయిన్ గా కాజల్ నటిస్తుందని అన్నారు కాని ఫైనల్ గా దేవసేన అనుష్కను ఈ మూవీలో హీరోయిన్ గా ఫిక్స్ చేశారట. అంతేకాదు ఈ సినిమాలో యాంగ్రీ యంగ్ మ్యాన్ డాక్టర్ రాజశేఖర్ కూడా స్పెషల్ రోల్ ప్లే చేస్తున్నట్టు తెలుస్తుంది.

రానాతో చేసిన నేనే రాజు నేనే మంత్రి సినిమాతో సూపర్ హిట్ అందుకున్న తేజ ఆ వెంటనే వెంకటేష్ సినిమా చేయడం విశేషం. సురేష్ ప్రొడక్షన్స్ బ్యానర్లో అనీల్ సుంకర ఈ సినిమాను నిర్మిస్తున్నారు. సైజ్ జీరో కోసం లావెక్కిన అనుష్క ఇన్నాళ్లకు సన్నబడి మళ్లీ వరుస అవకాశాలను అందుకుంటుంది. ఇప్పటికే అనుష్క వెంకటేష్ తో చింతకాయల రవి, నాగవల్లి సినిమాల్లి కలిసి నటించింది మరి ఈ సినిమాలో వెంకటేష్ తో అనుష్క చేసే రొమాన్స్ ఏ రేంజ్ లో ఉంటుందో చూడాలి.