సంబంధిత వార్తలు
టాలీవుడ్ వార్తలు
హిట్ డైరక్టర్ తో నితిన్..!
పటాస్, సుప్రీం సినిమాలతో హిట్ అందుకున్న దర్శకుడు అనీల్ రావిపుడి ఈమధ్యనే వచ్చిన రాజా ది గ్రేట్ తో కూడా హిట్ టాక్ సొంతం చేసుకున్నాడు. కెరియర్ అటు ఇటుగా ఉన్న రవితేజకు కరెక్ట్ టైంలో హిట్ ఇచ్చాడు అనీల్ రావిపుడి. ఇక ఈ సినిమా హిట్ తో హ్యాట్రిక్ హిట్లు కొట్టిన దర్శకుడిగా క్రేజ్ తెచ్చుకున్న అనీల్ రావిపుడి తన తర్వాత సినిమా హీరోని ఫైనల్ చేశాడు.
లవర్ బోయ్ నితిన్ తో అనీల్ నెక్ష్ట్ సినిమా ఉంటుందని తెలుస్తుంది. బెంగాల్ టైగర్ నిర్మాత రాధాకృష్ణ ఈ సినిమాను నిర్మిస్తున్నారట. లై తో నిరాశపరచిన నితిన్ ప్రస్తుతం కృష్ణ చైతన్య డైరక్షన్ లో మూవీ చేస్తున్నాడు. ఇక ఈ సినిమా తర్వాత అనీల్ రావిపుడితో ఫిక్స్ అయ్యాడు నితిన్. యువ హీరోలంతా హిట్లు కొడుతున్న నేపథ్యంలో నితిన్ ఇక నుండి సినిమాల సెలక్షన్స్ విషయంలో జాగ్రత్తలు తీసుకుంటున్నాడని తెలుస్తుంది.
