టాలీవుడ్ వార్తలు

నేడు యువ హీరో తేజా సజ్జా పుట్టిన రోజు సందర్భంగా అతను నటిస్తున్న ‘మిరాయ్‌’ నుంచి మేకింగ్ ఆఫ్ సూపర్ యోధ వీడియో విడుదల చేశారు. ఈ సినిమా కోసం తేజా సజ్జా ఎంతగా శ్రమిస్తున్నాడో ఆ వీడియో చూస్తే అర్ధమవుతుంది.  

ఘట్టమనేని కార్తీక్ దర్శకత్వంలో తెరకెక్కిస్తున్న మిరాయ్ సినిమాలో సూపర్ యోధ తేజ సజ్జకు జోడీగా రీతికా నాయక్ నటిస్తుండగా మంచు మనోజ్ దుష్టశక్తుల నాయకుడుగా నటిస్తున్నాడు. ఈ సినిమాలో జగపతిబాబు, శ్రీయ శరణ్, జయరాం, రాజేంద్రనాధ్ జుట్శీ, పవన్ చోప్రా, తాంజ కెల్లర్ తదితరులు ముఖ్య పాత్రలు చేస్తున్నారు.  

ప్రపంచాన్ని నాశనం చేసేందుకు ప్రయత్నిస్తున్న ఓ దుష్టశక్తిని ‘మిరాయ్’ అనే అతీతశక్తులు కలిగిన ఓ ఆయుధంతో ‘సూపర్ యోధ’ ఏవిదంగా అడ్డుకుంటాడనేది ఈ సినిమా కధ. 

ఈ సినిమాకి దర్శకత్వం, కెమెరా: కార్తీక్ ఘట్టమనేని, సంగీతం: గౌర హరి, ఆర్ట్: శ్రీ నాగేంద్ర తంగెల చేస్తున్నారు. 

మిరాయ్ సినిమాని సుమారు రూ.200 కోట్ల బడ్జెట్‌తో పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ నిర్మిస్తున్నారు. దీనిని తెలుగు, తమిళ్, కన్నడం మలయాళం, బెంగాలీ, మరాఠీ, చైనీస్ భాషల్లో 2డి, 3డి ఫార్మాట్‌లో నిర్మిస్తున్న మిరాయ్ ఈ ఏడాది సెప్టెంబర్‌ 5న విడుదల కాబోతోంది. కానీ తాజా సమాచారం ప్రకారం కాస్త ఆలస్యమయ్యే సూచనలున్నాయి.