టాలీవుడ్ వార్తలు

గౌతమ్‌ తిన్ననూరి-విజయ్ దేవరకొండ కాంబినేషన్‌లో ఈ నెల 31న ‘కింగ్‌డమ్‌’  విడుదల కాబోతుండటంతో శనివారం ట్రైలర్ విడుదల చేశారు. విజయ్ దేవరకొండ ఇంత వరకు చేసిన సినిమాలు, పాత్రలకు పూర్తి భిన్నంగా  ‘కింగ్‌డమ్‌’ ఉంటుందని ట్రైలర్ స్పష్టం చేసింది. విజయ్ దేవరకొండ అభిమానులు కూడా ఇటువంటి మాస్ యాక్షన్ సినిమా కోసమే చాలా కాలంగా ఎదురు చూస్తున్నారు. కనుక ఈ సినిమాతో విజయ్ దేవరకొండ ఖాతాలో మరో సూపర్ హిట్ పడే అవకాశం కనిపిస్తోంది.     

ఈ సినిమాలో విజయ్ దేవరకొండకు జంటగా భాగ్యశ్రీ భోరే, అన్నగా సత్యదేవ్ నటించారు. విజయ్ దేవరకొండ కింగ్‌డమ్‌లో రుక్మిణీ వసంత్, కౌశిక్ మహత, కేశవ్ దీపక్, మణికంఠ వారణాసి తదితరులున్నారు. 

ఈ సినిమాకు సంగీతం: అనిరుధ్‌ రవిచందర్‌, కెమెరా: గిరీష్‌ గంగాధరన్‌, జోమన్ టి జాన్, ఎడిటింగ్: నవీన్ నూలి, యాక్షన్: యానిక్ బెన్, చేతన్ డిసౌజా, రియల్ సతీష్ చేస్తున్నారు.  

సితార ఎంటర్‌టైన్‌మెంట్స్‌ బ్యానర్‌పై నాగ వంశీ, సాయి సౌజన్య కలిసి నిర్మిస్తున్న ఈ సినిమా ఈ నెల 31న విడుదల కాబోతోంది. 

రేపు (సోమవారం) హైదరాబాద్‌, యూసఫ్ గూడ పోలీస్ గ్రౌండ్స్‌లో కింగ్‌డమ్‌ ప్రీ-రిలీజ్ ఈవెంట్ జరుగబోతోంది. ఈ ఈవెంట్‌కి టికెట్స్, పాసులు కావలసినవారు https://www.shreyasgroup.net/event వెబ్‌సైట్‌లో పొందవచ్చు.