సంబంధిత వార్తలు
టాలీవుడ్ వార్తలు
జూలైలో... ఓ భామ అయ్యో రామా..
రామ్ గోదాల దర్శకత్వంలో సుహాస్, మాళవిక మనోజ్ జంటగా చేసిన ‘ఓ భామ అయ్యో రామా’ సినిమా షూటింగ్‌ పూర్తవడంతో రిలీజ్‌ డేట్ ప్రకటించారు. జూలై 11న ప్రపంచవ్యాప్తంగా విడుదల చేయబోతున్నామని చిత్ర బృందం ప్రకటించింది. ఇప్పటికే విడుదలైన టీజర్‌ సినిమాపై అంచనాలు పెంచింది. త్వరలో ట్రైలర్‌ కూడా విడుదలైతే సినిమా ఎలా ఉండబోతోందో తెలుస్తుంది.
ఈ సినిమాలో అనిత హంస నందిని, అలీ, రవీందర్ విజయ్, బబ్లూ పృధ్వీరాజ్, ప్రభాస్‌ శ్రీను, రాఘు కారుమంచి, మోయిన్, సాత్విక్ ఆనంద్, నాయని పావని తదితరులు ముఖ్య పాత్రలు చేశారు.
ఈ రొమాంటిక్ కామెడీ ఎంటర్‌టైన్‌ర్‌కు సంగీతం: రధన్, కెమెరా: మణికందన్, ఆర్ట్: బ్రహ్మ కడలి చేశారు. రొమాంటిక్, ఫ్యామిలీ ఎంటర్‌టైనర్‌గా తెరకెక్కిస్తున్న ఈ సినిమాని వి ఆర్ట్స్ బ్యానర్‌పై హరీష్ శంకర్‌ నల్లా, ప్రదీప్ తాళ్ళు కలిసి నిర్మించారు.
