టాలీవుడ్ వార్తలు

క్రిష్ జాగర్లమూడి, జ్యోతికృష్ణ దర్శకత్వంలో పవన్‌ కళ్యాణ్‌ ప్రధాన పాత్ర చేసిన ‘హరిహర వీరమల్లు’ సినిమా జూన్ 12న విడుదల కాబోతోంది. సినిమా రిలీజ్‌ డేట్ దగ్గర పడుతుండటంతో ఈ నెల 8న తిరుపతిలో ప్రీ రిలీజ్ ఈవెంట్‌ నిర్వహించబోతున్నారు. పవన్ కళ్యాణ్‌ ముందురోజు సాయంత్రం లేదా 8 వ తేదీ ఉదయం తిరుమల చేరుకొని స్వామివారిని దర్శించుకుంటారు. సాయంత్రం ప్రీ రిలీజ్ ఈవెంట్‌లో పాల్గొంటారు. జూన్ 8లోగా ట్రైలర్‌ విడుదల చేసే అవకాశం ఉంది. ఏ కారణం చేతయినా ఆలస్యమైనట్లయితే ప్రీ రిలీజ్ ఈవెంట్‌లోనే ట్రైలర్‌ విడుదల చేస్తారు.       

ఈ సినిమాలో పవన్‌ కళ్యాణ్‌కు జోడీగా నిధి అగర్వాల్ నటించగా బాలీవుడ్ స్టార్స్ బాబీ డియోల్, జాక్విలిన్ ఫెర్నాండస్, అర్జున్ రాంపాల్, ఇంకా ఆదిత్య మీనన్, శుభలేఖ సుధాకర్, పూజిత పొన్నాడ తదితరులు ముఖ్యపాత్రలు చేశారు.  

ఈ సినిమాకి కధ, దర్శకత్వం, స్క్రీన్ ప్లే: క్రిష్, జ్యోతి కృష్ణ, సంగీతం: ఎంఎం కీరవాణి, పాటలు: స్వర్గీయ సిరివెన్నెల సీతారామ శాస్త్రి, చంద్రబోస్, కెమెరా: జ్ఞానశేఖర్, ఎడిటింగ్: శ్రవణ్, ఫైట్స్: రామ్-లక్ష్మణ్, శామ్ కౌశల్, దిలీప్ సుబ్బరాయన్ చేశారు. 

హరిహర వీరమల్లు సినిమాని మెగా సూర్య ప్రొడక్షన్స్ బ్యాననర్‌లో ఏఎం రత్నం భారీ బడ్జెట్‌తో పాన్ ఇండియన్ లెవెల్లో 5 భాషల్లో నిర్మించి జూన్ 12న ప్రపంచవ్యాప్తంగా విడుదల చేయబోతున్నారు.