టాలీవుడ్ వార్తలు

హనుమాన్ తర్వాత మరో మిరాయ్‌తో మరో సూపర్ హిట్ కొట్టేందుకు తేజ సజ్జా వచ్చేస్తున్నాడు. 

కలియుగంలో ఈ ప్రపంచాన్ని నాశనం చేయడానికి వస్తున్న ఓ దుష్టశక్తిని అడ్డుకునే అతీతశక్తులు కలిగిన సూపర్ యోధుడుగా తేజా సజ్జా నటిస్తున్నాడు. ఘట్టమనేని కార్తీక్ దర్శకత్వంలో సెప్టెంబర్‌ 5న వస్తున్న ‘మిరాయ్’ టీజర్‌ బుధవారం విడుదలైంది. ముందే చెప్పుకున్నట్లు హనుమాన్ సినిమాలాగే ‘మిరాయ్’ టీజర్‌లో గ్రాఫిక్స్, విజువల్స్ చాలా అద్భుతంగా ఉన్నాయి. 

ఈ సినిమాలో తేజ సజ్జకు జోడీగా రీతికా నాయక్ నటిస్తుండగా మంచు మనోజ్ దుష్టశక్తుల నాయకుడుగా నటిస్తున్నాడు. ఈ సినిమాలో జగపతిబాబు, శ్రీయ శరణ్, జయరాం, రాజేంద్రనాధ్ జుట్శీ, పవన్ చోప్రా, తాంజ కెల్లర్ తదితరులు ముఖ్య పాత్రలు చేస్తున్నారు.  

ఈ సినిమాని తెలుగు, తమిళ్, కన్నడం మలయాళం, బెంగాలీ, మరాఠీ, చైనీస్ భాషల్లో పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ నిర్మిస్తున్నారు. 

ఈ సినిమాని 2డి, 3డి ఫార్మాట్‌లో నిర్మించి ఈ ఏడాది సెప్టెంబర్‌ 5న విడుదల కాబోతోంది.