టాలీవుడ్ వార్తలు

ఒకప్పుడు వరుసగా అనేక తెలుగు సినిమాలలో నటించిన కమల్ హాసన్ అంటే నేటికీ తెలుగు ప్రేక్షకులకు అభిమానమే. ఆయన సినిమా అంటే మరీ అభిమానం. ఆ సినిమాని మణిరత్నం వంటి గొప్ప దర్శకుడు తీస్తే ఇక తప్పక చూడాల్సిందే.

ఓ గొప్ప నటుడు, గొప్ప దర్శకుడు కాంబినేషన్‌లో వస్తున్న సినిమాయే ‘థగ్ లైఫ్.’ జూన్ 5న ఈ సినిమా విడుదల కాబోతోంది. ఈ సందర్భంగా శనివారం థగ్ లైఫ్ తెలుగు వెర్షన్ ట్రైలర్‌ విడుదల చేశారు. మణిరత్నం స్టైలుకి పూర్తి భిన్నంగా గ్యాంగ్ స్టార్స్ వార్స్ తో ఈ సినిమా తీసినట్లు ట్రైలర్‌ చూస్తే అర్దమవుతుంది. 

ఈ సినిమాలో కమల్ హాసన్‌కు జోడీగా త్రిష నటించారు. సిలాంబరసం టీఆర్, అశ్వర్య లక్ష్మీ, అశోక్ సెల్వన్‌, అభిరామ్, జోజు జార్జ్, నాసిర్, మహేష్ బాబు మంజ్రేకర్, ఆలీ ఫజల్ ముఖ్య పాత్రలు చేశారు. 

ఈ సినిమాకు కధ: మణిరత్నం, కమల్ హాసన్, సంగీతం:ఏఆర్‌ రెహమాన్, కెమెరా: రవి కె చంద్రన్, యాక్షన్: ఆన్‌భరివ్, కొరియోగ్రఫీ: కృతి మహేష్, ఏడిటింగళ శ్రీకర్ ప్రసాద్, పాటలు: అనంత్ శ్రీరామ్ చేశారు. 

రాజ్ కమల్ ఫిలిమ్స్ ఇంటర్నేషనల్, మద్రాస్ టాకీస్ బ్యానర్లపై పాన్ ఇండియా మూవీగా నిర్మించిన ఈ సినిమా జూన్ 5న ప్రపంచవ్యాప్తంగా విడుదల కాబోతోంది.