సంబంధిత వార్తలు
టాలీవుడ్ వార్తలు
హరిహర వీరమల్లుకి మరో డేట్.. వ్రాసి పెట్టుకోవాలాట!
క్రిష్ జాగర్లమూడి దర్శకత్వంలో పవన్ కళ్యాణ్‌ ప్రధాన పాత్రలో 2021లో ప్రారంభించిన హరిహర వీరమల్లు సినిమా దర్శకుడు కూడా మారి జ్యోతికృష్ణ చేస్తున్నారు. కానీ నేటికీ ఈ సినిమా విడుదల కాలేదు. సినిమా రిలీజ్ చేయలేకపోతున్నా ఒకదాని తర్వాత మరొకటి చొప్పున ఇప్పటికే అనేక రిలీజ్ డేట్స్ వచ్చాయి.
పవన్ కళ్యాణ్‌ ఏపీ రాజకీయాలలో, ఆ తర్వాత ఉప ముఖ్యమంత్రిగా బాధ్యతలతో బిజీ అయిపోవడంతో ఈ సినిమా పూర్తి కాలేదు. కానీ డేట్స్ కేటాయించి పూర్తిచేస్తానని హామీ ఇవ్వడంతో దర్శక నిర్మాతలు వరుసగా రిలీజ్ డేట్స్ ప్రకటించారు. తాజాగా జూన్ 12న విడుదల చేస్తామంటూ మరో డేట్ ప్రకటించి, ఈసారి తప్పకుండా ఆ రోజు విడుదల చేస్తామని కావాలంటే వ్రాసి పెట్టుకోమన్నారు. కనుక అభిమానులు అంతవరకు ఎదురుచూడక తప్పదు.
ఈ సినిమాలో పవన్ కళ్యాణ్‌కు జోడీగా నిధి అగర్వాల్ నటిస్తోంది. బాలీవుడ్ స్టార్స్ జాక్విలిన్ ఫెర్నాండస్, అర్జున్ రాంపాల్, ఆదిత్య మీనన్, శుభలేఖ సుధాకర్, పూజిత పొన్నాడ, బాబీ డియోల్ తదితరులు కీలక పాత్రల్లో నటించారు.
ఈ సినిమాకి కధ, దర్శకత్వం, స్క్రీన్ ప్లే: క్రిష్, సంగీతం: ఎంఎం కీరవాణి, పాటలు: స్వర్గీయ సిరివెన్నెల సీతారామ శాస్త్రి, చంద్రబోస్, కెమెరా: జ్ఞానశేఖర్, ఎడిటింగ్: శ్రవణ్, ఫైట్స్: రామ్-లక్ష్మణ్, శామ్ కౌశల్, దిలీప్ సుబ్బరాయన్ చేశారు.
హరిహర వీరమల్లు సినిమాని మెగా సూర్య ప్రొడక్షన్స్ బ్యాననర్‌లో ఏఎం రత్నం రూ.150 కోట్ల భారీ బడ్జెట్‌తో పాన్ ఇండియన్ లెవెల్లో 5 భాషల్లో నిర్మించి జూన్ 12 న ప్రపంచవ్యాప్తంగా విడుదల చేయబోతున్నారు.
GET READY FOR THE BATTLE OF A LIFETIME! ⚔️🏹
Mark your calendars for #HariHaraVeeraMallu on June 12, 2025! 💥 💥
The battle for Dharma begins... 🔥⚔️ #HHVMonJune12th #VeeraMallu #DharmaBattle #HHVM
Powerstar @PawanKalyan @AMRathnamOfl @thedeol #SatyaRaj @AgerwalNidhhi… pic.twitter.com/3KKNcspFIr
