టాలీవుడ్ వార్తలు

విజయ్ దేవరకొండ-గౌతమ్‌ తిన్ననూరి కాంబినేషన్‌లో చేస్తున్న‘కింగ్‌డమ్‌’ సినిమా నుంచి ‘హృదయం లోపల..’ అంటూ సాగే రొమాంటిక్ సాంగ్‌ విడుదల చేశారు. కృష్ణకాంత్ వ్రాసిన ఈ పాటని అనిరుధ్‌ రవిచందర్‌ స్వరపరిచి సంగీతం అందించడమే కాకుండా అనుమిత నదేషన్‌తో కలిసి చాలా మధురంగా పాడారు.    

ఈ సినిమాలో విజయ్ దేవరకొండకి జోడీగా భాగ్యశ్రీ భోరే నటిస్తోంది. రుక్మిణీ వసంత్ కీలకపాత్ర చేస్తోంది. కౌశిక్ మహత, కేశవ్ దీపక్, మణికంఠ వారణాసి తదితరులు ముఖ్య పాత్రలు చేస్తున్నారు. 

ఇటీవల విడుదలైన టీజర్‌కు మంచి స్పందన వచ్చింది. ఇటీవలే కింగ్‌డమ్‌ షూటింగ్‌ పూర్తయింది. ప్రస్తుతం పోస్ట్ ప్రొడక్షన్ పనులు చురుకుగా సాగుతున్నాయి. 

ఈ సినిమాకు సంగీతం: అనిరుధ్‌ రవిచందర్‌, కెమెరా: గిరీష్‌ గంగాధరన్‌, జోమన్ టి జాన్, ఎడిటింగ్: నవీన్ నూలి, యాక్షన్: యానిక్ బెన్, చేతన్ డిసౌజా, రియల్ సతీష్ చేస్తున్నారు.  

సితార ఎంటర్‌టైన్‌మెంట్స్‌ బ్యానర్‌పై నాగ వంశీ, సాయి సౌజన్య కలిసి నిర్మిస్తున్న ఈ సినిమా ఈ నెల 30న విడుదల కాబోతోంది.