టాలీవుడ్ వార్తలు

తెలుగు సినిమాలలో అత్యంత ఆదరణ పొందిన పౌరాణిక పాత్రలలో యమధర్మరాజు కూడా ఒకటి. అలనాటి సతీ సావిత్రి మొదలు యమగోల వరకు యముడు, యమలోకం కధాంశంతో తీసిన అన్ని సినిమాలు సూపర్ హిట్ అయ్యాయి. మళ్ళీ చాలా కాలం తర్వాత ‘యముడు’ అనే సినిమా ప్రేక్షకుల ముందుకు రాబోతోంది. ఈ సినిమా సబ్ టైటిల్‌ ధర్మో రక్షతి రక్షితః. 

జగదీష్ ఆమంచి స్వీయ దర్శకత్వంలో తీస్తున్న ఈ సినిమాలో ‘యముడు’ పాత్ర అతనే చేస్తున్నారు. ఈ సినిమా షూటింగ్‌ ప్రారంభించేటప్పుడు విడుదల చేసిన ఫస్ట్-లుక్‌ పోస్టర్కి మంచి స్పందన వచ్చింది. ఇప్పుడు మరో పోస్టర్ విడుదల చేశారు. ఈ సినిమాలో హీరోయిన్‌గా నటిస్తున్న శ్రావణి శెట్టిని నల్లగా భయంకర రూపంలో ఉన్న యముడు తన యమపాశంతో బంధించిన్నట్లు చూపారు. ఈ సినిమాలో ఆకాశ్ చల్లా ముఖ్య పాత్ర చేస్తున్నారు. 

ఈ సినిమాకు కధ: హరి అల్లసాని, జగదీష్ ఆమంచి, స్క్రీన్ ప్లే: శివ కుండ్రపు, సంగీతం: భవానీ రాకేష్, కెమెరా: విష్ణురెడ్డి వంగా, ఎడిటింగ్: కేసీబీ హరి. 

జగన్నాధ్ పిక్చర్స్ బ్యానర్‌పై జగదీష్ ఆమంచి స్వయంగా ఈ సినిమా నిర్మించి దర్శకత్వం వహించి నటిస్తున్నారు. ఈ సినిమా షూటింగ్‌ పూర్తిచేసుకొని ప్రస్తుతం పోస్ట్ ప్రొడక్షన్ దశలో ఉంది. త్వరలో సినిమా రిలీజ్‌ డేట్ ప్రకటిస్తామని జగదీష్ ఆమంచి చెప్పారు.