సంబంధిత వార్తలు
టాలీవుడ్ వార్తలు
జాట్ నుంచి ఓ రామ శ్రీరామ భక్తిగీతం కాదు!
గోపీచంద్ మలినేని దర్శకత్వంలో బాలీవుడ్‌ సీనియర్ నటుడు సన్నీ డియోల్, రణ్‌దీప్ హుడా ప్రధాన పాత్రలలో ‘జాట్’ సినిమా నుంచి ‘ఓ రామ శ్రీరామ.. ‘అంటూ సాగే లిరికల్ వీడియో సాంగ్‌ విడుదలైంది. కానీ భక్తి భావం కల్పించాల్సిన ఆ పాటని ఫాస్ట్ బీట్ సాంగ్‌లా స్వరపరచడం సబబుగా అనిపించదు.
ఈ సినిమాలో రణదీప్ హుడా విలన్‌గా నటిస్తుండగా రెజీనా, వినీత్ కుమార్‌ సింగ్, సయామీ ఖేర్ ముఖ్య పాత్రలు చేశారు.
మైత్రీ మూవీ మేకర్స్‌, పీపుల్ మీడియా ఫ్యాక్టరీ కలిసి నిర్మిస్తున్న ఈ సినిమాకు సంగీతం: తమన్, స్టంట్స్: రామ్ లక్ష్మణ్‌, కొరియోగ్రాఫర్: అనల్ ఆరాసు, ప్రొడక్షన్ డిజైనర్: అవినాష్ కొల్లా చేశారు.
ఇటీవల విడుదలైన జాట్ టీజర్‌ అందరినీ ఆకట్టుకుంది. సినిమాపై అంచనాలు మరింత పెంచింది. ఈ సినిమా ఏప్రిల్ 10న ప్రపంచవ్యాప్తంగా విడుదల కాబోతోంది.
