టాలీవుడ్ వార్తలు

క్రిష్ జాగర్లమూడి దర్శకత్వంలో అనుష్క ప్రధాన పాత్రలో చేస్తున్న ‘ఘాటి’ ఏప్రిల్ 18న విడుదల కావలసి ఉండగా వీఎఫ్ఎక్స్ వర్క్స్ ఆలస్యమవుతుండటంతో కొద్దిరోజులు సినిమా వాయిదా పడబోతున్నట్లు తాజా సమాచారం. అయితే నెలా రెండు నెలలో కాకుండా వారం పదిరోజుల గ్యాప్‌లో ఘాటి విడుదల చేయాలని దర్శక నిర్మాతలు అనుకుంటున్నారు. వీఎఫ్ఎక్స్ వర్క్స్ ప్రోగ్రెస్ చూసుకొని మరో డేట్ త్వరలోనే ప్రకటించబోతున్నట్లు తెలుస్తోంది.  

ఈ సినిమాలో అనుష్క ఫస్ట్-లుక్‌ పోస్టర్లో ‘విక్టిమ్, క్రిమినల్, లెజెండ్’ అనే ట్యాగ్ లైన్ జోడించడం ద్వారా ఓ బాధితురాలు మొదట క్రిమినల్‌గా మారి ఆ తర్వాత పోరాట యోధురాలుగా ఎలా మారిందో ఈ సినిమాలో  దర్శకుడు క్రిష్ చూపించబోతున్నారు. మోషన్ పోస్టర్‌ని బట్టి ఈ సినిమాలో అనుష్క ఓ బందిపోటు నాయకురాలిగా నటిస్తున్నట్లు అర్దమవుతుంది.    

ఈ సినిమాకు దర్శకత్వం: క్రిష్ జాగర్లమూడి, కధ: చింతకింది శ్రీనివాసరావు, డైలాగ్స్: సాయి మాధవ్ బుర్రా,  సంగీతం: నాగవెల్లి విద్యాసాగర్, కెమెరా: మనోజ్ రెడ్డి కాటసాని, యాక్షన్: రామ్ కృషన్, ఎడిటింగ్: చాణక్య రెడ్డి తూరుపు చేస్తున్నారు. 

ఈ సినిమాని యూవీ క్రియేషన్స్, ఫైన్ ఆర్ట్స్ బ్యానర్లపై రాజీవ్ రెడ్డి, సాయిబాబు జాగర్లమూడి కలిసి 5 భాషల్లో పాన్ ఇండియా మూవీగా నిర్మిస్తున్నారు.