టాలీవుడ్ వార్తలు

వెంకీ కుడుమల దర్శకత్వంలో నితిన్‌, శ్రీలీల జంటగా ‘రాబిన్‌హుడ్’ సినిమాలో ప్రముఖ ఆస్ట్రేలియన్ క్రికెటర్ డేవిడ్ వార్నర్ అతిధి పాత్రలో నటిస్తున్నారనే విషయం తెలిసిందే. ఈ సినిమా రిలీజ్‌ డేట్ దగ్గర పడుతుండటంతో శనివారం ఆయన ఫస్ట్-లుక్‌ పోస్టర్ విడుదల చేశారు. ఈ సినిమాలో కేతికా శర్మ ‘అదిదా సర్‌ప్రైజు...’ అంటూ ఓ ఐటెమ్ సాంగ్‌ చేసింది. కానీ ఓ తెలుగు సినిమాలో ఓ ప్రముఖ ఆస్ట్రేలియన్ క్రికెటర్ డేవిడ్ వార్నర్ అతిధి పాత్రలో నటించడమే పెద్ద సర్‌ప్రైజ్ కనుక ఇదిదా అసలు సర్‌ప్రైజు అని భారత్‌లో ఆయన అభిమానులు చాలా సంతోషిస్తున్నారు.   

ఈ నెల 28న రాబిన్‌హుడ్ విడుదల కాబోతోంది. కనుక ఈ సినిమా ప్రమోషన్స్‌ కోసం నేడు నితిన్‌, శ్రీలీల ఏపీలో భీమవరంలో ఎస్ఆర్‌కేఆర్ కాలేజీ, రాజమండ్రిలో ఐఎస్‌టిఎస్ కాలేజీ విద్యార్ధులతో సరదాగా ముఖాముఖి సమావేశం నిర్వహించబోతున్నారు.   

ఈ సినిమాకు కధ, దర్శకత్వం: వెంకీ కుడుముల, సంగీతం: జీవి ప్రకాష్, కెమెరా: సాయి శ్రీరామ్, ఆర్ట్ డైరెక్టర్: రామ్ కుమార్, ఎడిటింగ్: కోటి చేశారు. 

మైత్రీ మూవీ మేకర్స్‌ బ్యానర్‌పై నవీన్ యెర్నేని, వై.రవిశంకర్ ‘రాబిన్ హుడ్‌’ని పాన్ ఇండియా మూవీగా 5 భాషలలో నిర్మించారు.