టాలీవుడ్ వార్తలు

బొమ్మరిల్లు భాస్కర్ దర్శకత్వంలో సిద్ధూ జొన్నలగడ్డ, వైష్ణవి చైతన్య జంటగా చేస్తున్న సినిమా ‘జాక్’ నుంచి ముద్దు పాట (కిస్ సాంగ్‌) ప్రమో ఈరోజు హోళీ పండుగ సందర్భంగా విడుదల చేశారు. పాట పేరుకు తగ్గట్లే హీరోయిన్‌ని ముద్దు పెట్టుకోవాలని ఆత్రపడుతున్న హీరోని తొలిముద్దుకి మనకంటూ ఓ మంచి ప్లేస్ ఉండాలని కోరుతుంది. ఇంత పెద్ద నగరంలో మనం ముద్దు పెట్టుకోవడానికే ప్లేసే లేదా?అంటూ హీరో చేసిన హడావుడే ఈ ముద్దు పాట ప్రమో! మార్చి 17 న ఈ పాట విడుదల చేస్తామని ట్వీటర్‌లో చెప్పారు. 

సూపర్ హిట్ ‘బొమ్మరిల్లు’ సినిమాలో హీరో తండ్రిగా చాలా ముఖ్యపాత్ర చేసిన ప్రకాష్ రాజ్ ఈ సినిమాలో కూడా ఓ ముఖ్యపాత్ర చేస్తున్నారు.  

సనరే వ్రాసిన ఈ ముద్దు పాటని సురేష్ బొబ్బిలి స్వరపరిచి జావేద్ అలీ, అమల చేబోలుతో కలిసి పాడారు.

ఈ సినిమాకు సంగీతం: సురేష్ బొబ్బిలి, రాధన్, అచు రాజమణి, శామ్; కెమెరా: విజయ్ దేవరకొండ కే చక్రవర్తి, ఎడిటింగ్: నవీన్ నూలి, కొరియోగ్రఫీ: రాజు సుందరం చేస్తున్నారు. 

ఈ సినిమాని శ్రీ వేంకటేశ్వర సినీ చిత్ర క్రియేషన్స్ బ్యానర్‌పై బీవీఎస్ఎన్ ప్రసాద్, బాపినీడు కలిసి నిర్మిస్తున్నారు. ఈ సినిమా ఏప్రిల్ 10వ తేదీన విడుదల కాబోతోంది.