టాలీవుడ్ వార్తలు

నందమూరి హీరో కళ్యాణ్ రామ్‌ ప్రస్తుతం చేస్తున్న సినిమా పేరు ‘అర్జున్ సన్‌ ఆఫ్ వైజయంతి’ అని ప్రకటించారు. మళ్ళీ చాలాకాలం తర్వాత విజయశాంతి ఈ సినిమాలో పవర్ ఫుల్ పోలీస్ ఆఫీసరు వైజయంతిగా నటిస్తున్నారు. ఆమె కుమారుడు అర్జున్‌గా కళ్యాణ్ రామ్‌ నటిస్తున్నారు. కనుక ఈ సినిమాకు ‘అర్జున్ సన్‌ ఆఫ్ వైజయంతి’ పేరు బాగా కుదిరింది. నిన్న మహిళా దినోత్సవం సందర్భంగా ఈ సినిమా టైటిల్‌ ప్రకటించుతూ విజయశాంతితో పోస్టర్ విడుదల చేశారు. 

ఆమెతో కలిసి పనిచేస్తున్నందుకు చాలా సంతోషంగా ఉందని, త్వరలో థియేటర్లలో కలుద్దామని కళ్యాణ్ రామ్‌ ట్వీట్ చేశారు. 

ఈ సినిమాలో సాయి మంజ్రేకర్, సోహాలి ఖాన్ తదితరులు ముఖ్య పాత్రలు చేశారు. ఈ సినిమాకు కధ, దర్శకత్వం: ప్రదీప్ చిలుకూరి, సంగీతం అజనీష్ లోక్‌నాధ్, కెమెరా: రామ్ ప్రసాద్, ఎడిటింగ్: తమ్మిరాజు చేస్తున్నారు. 

ఎన్టీఆర్‌ ఆర్ట్స్, అశోకా క్రియేషన్స్ బ్యానర్లపై ముప్పా వెంకయ్య చౌదరి, సునీల్ బులుసు కలిసి నిర్మిస్తున్న ఈ సినిమా షూటింగ్ తుది దశకు చేరుకుంది. త్వరలోనే సినిమా ఎప్పుడు విడుదల చేయబోతున్నారో ప్రకటిస్తారు.