టాలీవుడ్ వార్తలు

పవన్ కళ్యాణ్‌, నిధి అగర్వాల్ ప్రధానపాత్రలలో హరిహర వీరమల్లు సినిమా నుంచి కొల్లగొట్టినాదిరో.. అంటూ సాగే రెండో పాట ఈనెల 24 మద్యాహ్నం 3 గంటలకు విడుదల కాబోతోంది. కనుక ఈరోజు ఆ పాట ప్రమో విడుదల చేశారు. చంద్రబోస్ వ్రాసిన ఈ పాటని ఎంఎం కీరవాణి స్వరపరచి సంగీతం అందించగా మంగ్లీ, రాహుల్ సిప్లీ గంజ్, రమ్య బెహరా, యామినీ ఘంటసాల కలిసి పాడారు. 

ఈ సినిమాలో బాబీ డియోల్, అనుపమ్ ఖేర్, జాక్విలిన్ ఫెర్నాండస్, అర్జున్ రాంపాల్, ఇంకా విక్రమ్ జీత్, జిష్ణుసేన్ గుప్తా, నోరాహి ఫతేహి, ఆదిత్య మీనన్, శుభలేఖ సుధాకర్, పూజిత పొన్నాడ తదితరులు ముఖ్యపాత్రలు చేస్తున్నారు.  

ఈ సినిమాకి కధ, దర్శకత్వం, స్క్రీన్ ప్లే: క్రిష్, సంగీతం: ఎంఎం కీరవాణి, పాటలు: స్వర్గీయ సిరివెన్నెల సీతారామ శాస్త్రి, చంద్రబోస్, కెమెరా: జ్ఞానశేఖర్, ఎడిటింగ్: శ్రవణ్, ఫైట్స్: రామ్-లక్ష్మణ్, శామ్ కౌశల్, దిలీప్ సుబ్బరాయన్. 

రూ.150 కోట్ల భారీ బడ్జెట్‌తో మెగా సూర్య ప్రొడక్షన్స్ బ్యాననర్‌లో ఏఎం రత్నం పాన్ ఇండియా మూవీగా 5 భాషల్లో నిర్మిస్తున్న హరిహర వీరమల్లు మార్చి 28న ప్రపంచవ్యాప్తంగా విడుదల కాబోతోంది.