సంబంధిత వార్తలు
టాలీవుడ్ వార్తలు
హరిహర వీరమల్లు మాట వినాలి.. జనవరి 6న
పవన్ కళ్యాణ్‌ కధానాయకుడుగా వస్తున్న హరిహర వీరమల్లు నుంచి అప్‌డేట్‌ కోసం ఆయన అభిమానులు ఎంతో కాలంగా ఎదురుచూస్తున్నారు. ఎట్టకేలకు ఈ సినిమా నుంచి మొదటి పాటకి ముహూర్తం ప్రకటించారు.
ఈ నెల 6వ తేదీ ఉదయం 9.06 గంటలకు ఈ పాట విడుదల చేయబోతున్నట్లు మెగా సూర్యా ప్రొడక్షన్ ప్రకటించింది.
ఈ పాట ప్రత్యేకత ఏమిటంటే పవన్ కళ్యాణ్‌ స్వయంగా ఈ పాట పాడారు. హరిహర వీరమల్లులో ఆయన హీరో కావచ్చు. ఇప్పుడు ఆయన ఏపీ మంత్రిగా, ఉప ముఖ్యమంత్రిగా కూడా చేస్తున్నారు. కనుక ఓ సినిమాకి ఉప ముఖ్యమంత్రి పాట పాడటం విశేషమే కదా?
ఈ సినిమా షూటింగ్‌ ఆలస్యం అయినందున దర్శకుడు క్రిష్ స్థానంలో జ్యోతీ కృష్ణ మిగిలిన సన్నివేశాలను పూర్తి చేస్తున్న సంగతి తెలిసిందే. ఈ సినిమాలో నిధీ అగర్వాల్ పవన్ కళ్యాణ్‌కి జోడీగా నటిస్తున్నారు.
బాలీవుడ్‌ నటులు బాబీ డియోల్, అనుపమ్ ఖేర్, జాక్విలిన్ ఫెర్నాండస్, అర్జున్ రాంపాల్, ఇంకా విక్రమ్ జీత్, జిష్ణుసేన్ గుప్తా, నోరాహి ఫతేహి, ఆదిత్య మీనన్, శుభలేఖ సుధాకర్, పూజిత పొన్నాడ తదితరులు ఈ సినిమాలో ముఖ్యపాత్రలు చేస్తున్నారు.
ఈ సినిమాకి కధ, దర్శకత్వం, స్క్రీన్ ప్లే: క్రిష్, సంగీతం: ఎంఎం కీరవాణి, పాటలు: స్వర్గీయ సిరివెన్నెల సీతారామ శాస్త్రి, చంద్రబోస్, కెమెరా: జ్ఞానశేఖర్, ఎడిటింగ్: శ్రవణ్, ఫైట్స్: రామ్-లక్ష్మణ్, శామ్ కౌశల్, దిలీప్ సుబ్బరాయన్.
మెగా సూర్య ప్రొడక్షన్స్ బ్యాననర్‌లో ఏఎం రత్నం రూ.150 కోట్ల భారీ బడ్జెట్‌తో పాన్ ఇండియా మూవీగా 5 భాషల్లో ఈ సినిమాను నిర్మిస్తున్నారు. హరిహర వీరమల్లు వచ్చే ఏడాది మార్చి 28న ప్రపంచవ్యాప్తంగా విడుదల కాబోతోంది.
2025 just got POWER-packed! ⚔️ 🔥
Let's Celebrate this New Year with #MaataVinaali ~ The first single from #HariHaraVeeraMallu will be out on Jan 6th, 2025 at 9:06AM.💥
Sung by the one and only, POWERSTAR 🌟 @PawanKalyan garu 🎶🎤
A @mmkeeravaani Musical 🎹
📝 Lyrics by… pic.twitter.com/32WlhnA9CQ
