టాలీవుడ్ వార్తలు

బాబీ కొల్లి దర్శకత్వంలో గాడ్ ఆఫ్ మాసస్ నందమూరి బాలకృష్ణ 109వ సినిమాగా వస్తున్న ‘డాకూ మహరాజ్’ సినిమా నుంచి మొదటి పాట ‘ది రేజ్ ఆఫ్ డాకూ’ ప్రమో శుక్రవారం విడుదల కాగా పూర్తి పాటని శనివారం సాయంత్రం 6.16 గంటలకు విడుదల చేయబోతున్నట్లు సీతారా ఎంటర్‌టైన్‌మెంట్స్‌ తెలియజేసింది. అనంత్ శ్రీరామ్ వ్రాసిన ఈ పాటని తమన్ స్వరపరచగా భరత్ రాజ్, నకాష్  అజీజ్, రిటేశ్ జి రావు, కే ప్రణతి కలిసి ఆలపించారు. 

 ప్రముఖ బాలీవుడ్‌ నటుడు బాబీ డియోల్ ఈ సినిమాలో ఓ ముఖ్య పాత్ర చేస్తుండగా, శ్రద్ద శ్రీనాధ్, ప్రజ్ఞా జైస్వాల్, చాందినీ చౌదరీ తదితరులు ముఖ్యపాత్రలు చేస్తున్నారు. 

ఈ సినిమాకు కధ, దర్శకత్వం: బాబీ కొల్లి, స్క్రీన్ ప్లే: కె.చక్రవర్తి రెడ్డి, డైలాగ్స్: భాను, నందు: సంగీతం: తమన్, కెమెరా: విజయ్‌ కార్తీక్ కణ్ణన్, ఎడిటింగ్: నిరంజన్ దేవరమనే, స్టంట్స్‌: వి వెంకట్ చేస్తున్నారు.   

ఈ సినిమాను శ్రీకార స్టూడియోస్ సమర్పణలో సితారా ఎంటర్‌టైన్‌మెంట్స్, ఫార్ట్యూన్ ఫోర్ సినిమాస్, బ్యానర్లపై సూర్యదేవర నాగవంశీ, సాయి సౌజన్య కలిసి నిర్మిస్తున్నారు. వచ్చే ఏడాది సంక్రాంతి పండుగకు ముందు జనవరి 12న డాకూ మహారాజ్ గుర్రం ఎక్కి ప్రేక్షకుల ముందుకు రాబోతున్నాడు.