టాలీవుడ్ వార్తలు

అనిల్ రావిపూడి దర్శకత్వంలో వెంకటేష్, మీనాక్షీ చౌదరి, ఐశ్వర్య రాజేష్ ప్రధాన పాత్రలలో ‘సంక్రాంతికి వస్తున్నాం’ సినిమా కోసం మళ్ళీ 11 ఏళ్ళ తర్వాత ప్రముఖ సంగీత దర్శకుడు, నేపద్య గాయకుడు రమణ గోగుల గోదారి గట్టు మీద రామసిలకావే... అనే పాట పాడారు. సినిమా ప్రమోషన్స్‌లో భాగం ఆ పాట విడుదల చేశారు.   

చక్కటి సాహిత్య విలువలు కలిగిన ఈ పాటని భాస్కరభట్ల రవి కుమార్‌ వ్రాయగా భీమ్స్ సిసిరోలియో చక్కగా స్వరపరిచారు. 11 ఏళ్ళ విరామం తర్వాత తొలిసారిగా పాడుతున్నా రమణ గోగుల స్వరంలో ఎటువంటి మార్పూ లేదు. చాలా అలవోకగా, మృధు మధురంగా పాడారు. 

ఈ ముక్కోణపు క్రైమ్ ధ్రిల్లర్ సినిమాలో రాజేంద్ర ప్రసాద్, సాయి కుమార్, నరేష్, పృధ్వీరాజ్, శ్రీనివాస్ అవసరాల, ఉపేంద్ర లిమాయే, విటీ గణేష్, మురళీధర్ గౌడ్, పమ్మి సాయి, ఆనంద్ రాజ్, సాయి శ్రీనివాస్, మహేష్ బాలరాజ్, ప్రదీప్ కబ్ర, చిట్టి తదితరులు ప్రధాన పాత్రలు చేస్తున్నారు. 

ఈ సినిమాకి కధ, దర్శకత్వం: అనిల్ రావిపూడి, సంగీతం: భీమ్స్ సిసిరోలియో, కెమెరా: సమీర్ రెడ్డి, కొరియోగ్రఫీ: భాను మాష్టర్, ఎడిటింగ్: తమ్మిరాజు, స్టంట్స్: రియల్ సతీష్ చేశారు. 

ప్రముఖ నిర్మాత దిల్ రాజు సమర్పణలో శ్రీ వేంకటేశ్వర క్రియెషన్స్ బ్యానర్‌పై శిరీష్ ఈ సినిమాని నిర్మించారు. ఈ సినిమా షూటింగ్‌ దాదాపు పూర్తయింది. డబ్బింగ్ పనులు జోరుగా సాగుతున్నాయి. జనవరి14న సంక్రాంతి పండుగనాడే ఈ సినిమా విడుదల కాబోతోంది.