టాలీవుడ్ వార్తలు

శంకర్ దర్శకత్వంలో రామ్ చరణ్‌, కియారా  అద్వానీ జంటగా చేస్తున్న ‘గేమ్ చేంజర్‌’ జనవరి 10 వ తేదీన సంక్రాంతి పండుగకు విడుదల కాబోతోంది. ఇప్పటికే ఈ సినిమా షూటింగ్ చాలా ఆలస్యమవడంతో అభిమానులు చాలా అసహనంగా ఉన్నారు. కనుక ఇకపై వరుసగా సినిమా ప్రమోషన్స్ చేపడతామని గేమ్ ఛేంజర్ టీమ్ హామీ ఇచ్చింది. ఆ ప్రకారమే ఏ సినిమా నుంచి మూడో పాటని ఈ నెల 28 వ తేదీన విడుదల చేయబోతున్నట్లు తెలియజేస్తూ ఓ పోస్టర్ కూడా పెట్టింది. గేమ్ ఛేంజర్ కోసం ఆతృతగా ఎదురుచూస్తున్న అభిమానులకు ఇది చాలా సంతోషం కలిగిస్తుంది. 

గేమ్ చేంజర్‌లో కోలీవుడ్‌ నటుడు ఎస్‌జె.సూర్య, శ్రీకాంత్, నవీన్ చంద్ర, సునీల్, జయరాం, అంజలి తదితరులు ముఖ్యపాత్రలు చేస్తున్నారు.

ఈ సినిమాకు స్టోరీ లైన్: కార్తీక్ సుబ్బరాజు, కధ: ఎస్‌.యు వెంకటేశన్, ఫర్హాద్ సంజీ, వివేక్, డైలాగ్స్: సాయి మాధవ్ బుర్ర, దర్శకత్వం: శంకర్, సంగీతం: థమన్, కెమెరా: ఎస్.తిరునవుక్కరసు, పాటలు: రామజోగయ్య శాస్త్రి, అనంత్ శ్రీరామ్, కాస్ర్ల శ్యామ్, యాక్షన్: ఆన్భైరవ్, కొరియోగ్రఫీ: ప్రభుదేవా, ప్రేమ్ రక్షిత్, గణేశ్ ఆచార్య, బోస్కో మార్షియా, జానీ, శాండీ, ఆర్ట్: అవినాష్ కొల్ల చేస్తున్నారు. 

నిర్మాతలు దిల్‌రాజు, శిరీశ్ కలిసి శ్రీ వేంకటేశ్వర క్రియెషన్స్ బ్యానర్‌పై పాన్ ఇండియా మూవీగా 5 భాషల్లో  నిర్మిస్తున్నారు.