టాలీవుడ్ వార్తలు

రామ్ చరణ్‌-శంకర్ కాంబినేషన్‌లో గేమ్ ఛేంజర్‌ డిసెంబర్‌ 20న విడుదల కావలసి ఉండగా సంక్రాంతికి వాయిదా వేసిన్నట్లు నిర్మాత దిల్‌రాజు చెప్పిన సంగతి తెలిసిందే. కనుక ఆలోగా గేమ్ ఛేంజర్‌ అప్‌డేట్‌ ఇస్తుండటం తప్పనిసరి కనుక రేపు దీపావళి పండుగ సందర్భంగా మరో కొత్త పోస్టర్‌ విడుదల చేయనున్నారు. గేమ్ ఛేంజర్‌ టీజర్‌ నవంబర్‌ 14వ తేదీన విడుదల చేయాలని నిర్ణయించిన్నట్లు తాజా సమాచారం. ఇప్పటికే విడుదలైన రెండు పాటలకు మంచి ఆదరణ లభిస్తోంది. నవంబర్‌ నెలాఖరులోగా మరో పాటని విడుదల చేయబోతున్నట్లు తెలుస్తోంది. 

గేమ్ ఛేంజర్‌లో రామ్ చరణ్‌కి జోడీగా కియరా అద్వానీ నటిస్తుండగా రామ్ చరణ్‌ చేస్తున్న మరో పాత్రకి భార్యగా అంజలి నటిస్తున్నారు. ఈ సినిమాలో ఎస్‌జె.సూర్య, శ్రీకాంత్, నవీన్ చంద్ర, సునీల్, జయరాం తదితరులు ముఖ్యపాత్రలు చేస్తున్నారు.

ఈ సినిమాకు స్టోరీ లైన్: కార్తీక్ సుబ్బరాజు, కధ: ఎస్‌.యు వెంకటేశన్, ఫర్హాద్ సంజీ, వివేక్, డైలాగ్స్: సాయి మాధవ్ బుర్ర, దర్శకత్వం: శంకర్, సంగీతం: థమన్, కెమెరా: ఎస్.తిరునవుక్కరసు, పాటలు: రామజోగయ్య శాస్త్రి, అనంత్ శ్రీరామ్, కాసర్ల శ్యామ్, యాక్షన్: ఆన్భైరవ్, కొరియోగ్రఫీ: ప్రభుదేవా, ప్రేమ్ రక్షిత్, గణేశ్ ఆచార్య, బోస్కో మార్షియా, జానీ, శాండీ, ఆర్ట్: అవినాష్ కొల్ల చేస్తున్నారు. 

శ్రీ వేంకటేశ్వర క్రియెషన్స్ బ్యానర్‌పై దిల్‌రాజు, శిరీశ్ కలిసి గేమ్ ఛేంజర్‌ సినిమా నిర్మిస్తున్నారు. గేమ్ ఛేంజర్‌ సంక్రాంతి పండుగకు ముందు ప్రపంచవ్యాప్తంగా విడుదల కాబోతోంది.