టాలీవుడ్ వార్తలు

అభిమానులు, సినీ పరిశ్రమ చేత డార్లింగ్ అనిపించుకున్న మిస్టర్ పెర్ఫెక్ట్ ప్రభాస్‌ బాహుబలిగా జాతీయ, అంతర్జాతీయ స్థాయికి ఎదిగిన నటుడు. ఈరోజు ఆయన పుట్టినరోజు సందర్భంగా రాజాసాబ్ సినిమా నుంచి ఓ అప్‌డేట్‌ ఇవ్వబోతున్నట్లు దర్శకుడు మారుతి ట్వీట్‌ చేశారు.

“ప్రభాస్‌ అభిమానిగా ఆయన నుంచి అభిమానులు ఏమి ఆశిస్తున్నారో అటువంటివన్నీ ఉన్న ఓ చక్కటి సినిమా అందించాలని తాను కృషి చేస్తున్నాని మారుతి చెప్పారు. ముఖ్యంగా ప్రభాస్‌ నుంచి మళ్ళీ ఓ చక్కటి కామెడీ అందించాలని ప్రయత్నిస్తున్నాని చెప్పారు.

ఈరోజు ప్రభాస్ పుట్టినరోజు సందర్భంగా శుభాకాంక్షలు తెలియజేస్తూ, అభిమానులకు ఓ గొప్ప బహుమతి అందిస్తానని  దర్శకుడు మారుతి ట్వీట్‌ చేశారు. మరికొద్ది సేపటిలో అదేమిటో చూడవచ్చు. 

రాజాసాబ్ విషయానికి వస్తే ఇది ఓ హర్రర్, రొమాంటిక్ కామెడీ ఎంటర్‌టైనర్ అని బ్యానర్లోనే చెప్పేశారు. ఈ మూడింటిని చక్కగా మిక్స్ చేసి అందరినీ రాజాసాబ్‌తో దర్శకుడు మారుతి అందరినీ అలరించగలిగితే, పాన్ ఇండియా స్టార్‌గా ఎదిగిపోయి అచ్చమైన తెలుగు సినిమాలకి దూరమైపోతున్న మన ప్రభాస్‌ని మళ్ళీ మనకి తెచ్చి అప్పగించిన ఘనత దర్శకుడు మారుతికే దక్కుతుంది.