టాలీవుడ్ వార్తలు

బింబిసారతో హిట్ కొట్టిన నందమూరి కళ్యాణ్ రామ్ తర్వాత డెవిల్ సినిమాతో మరో హిట్ కొట్టాడు కానీ దాని తర్వాత చేసిన అమిగోస్ సినిమాతో బోర్లా పడ్డాడు.

దాని తర్వాత ప్రదీప్ చిలుకూరితో తన 21వ సినిమా మొదలుపెట్టాడు. ఆ సినిమాలో కళ్యాణ్ రామ్‌ని పరిచయం చేస్తూ ‘ది ఫిస్ట్ ఆఫ్ ఫేమ్’ పేరుతో ఫస్ట్ గ్లిమ్స్‌ ఈరోజు తాత ఎన్టీఆర్‌ జయంతి సందర్భంగా విడుదల చేశారు. 

సరిలేరు నీకెవ్వరు సినిమాలో నటించిన విజయశాంతి మళ్ళీ చాలా రోజుల తర్వాత ఈ సినిమాలో ఓ ముఖ్యపాత్ర చేస్తున్నారు. శ్రీకాంత్, సోహెల్ ఖాన్, సాయి మంజ్రేకర్ తదితరులు ముఖ్యపాత్రలు చేస్తున్నారు.

ఈ సినిమాకి స్క్రీన్ ప్లే: విస్సా శ్రీకాంత్, సంగీతం: అజనీష్ లోక్‌నాథ్, కెమెరా: రామ్ ప్రసాద్, ఎడిటింగ్: తమ్మిరాజు చేస్తున్నారు. 

ఈ సినిమాను ముప్పా వెంకయ్య చౌదరి సమర్పణలో అశోక్ క్రియెషన్స్, ఎన్టీఆర్‌ ఆర్ట్స్ బ్యానర్లపై అశోక్ వర్ధన్ ముప్పా, సునీల్ బులుసు కలిసి నిర్మిస్తున్నారు.      ప్రస్తుతం హైదరాబాద్‌లో ఈ సినిమా షూటింగ్‌ శరవేగంగా సాగుతోంది.