టాలీవుడ్ వార్తలు

రామ్ చరణ్‌, శంకర్ కాంబినేషన్‌లో వస్తున్న గేమ్ చేంజర్‌ సినిమా కోసం అభిమానులు చాలా కాలంగా ఎదురుచూస్తున్నారు. కానీ ఈ సినిమాకు సంబందించి కనీసం అప్‌డేట్స్ కూడా ఇవ్వకపోవడంతో అభిమానులు చాలా అసహనంగా ఉన్నారు.

తాజాగా ఈ సినిమాకు సంబందించి రెండు అప్‌డేట్స్ వచ్చాయి. ఒకటి ఈ వారం నుంచి విశాఖపట్నంలో గేమ్ చేంజర్‌ సినిమా షూటింగ్‌ జరుగబోతోంది. రెండోది ఈనెల 27న రామ్ చరణ్‌ పుట్టిన రోజు సందర్భంగా గేమ్ చేంజర్‌ సినిమా నుంచి ‘జరగండి... ‘ అంటూ సాగే మొదటి లిరికల్ వీడియో సాంగ్‌ రిలీజ్ కాబోతోంది. విశాఖలో జరుగబోయే షూటింగ్‌లో రామ్ చరణ్‌, హీరోయిన్‌గా నటిస్తున్న కియరా అద్వానీ, అంజలి తదితరులు పాల్గొనబోతున్నట్లు తెలుస్తోంది. 

ఈ సినిమాలో కోలీవుడ్‌ నటుడు ఎస్‌జె.సూర్య, శ్రీకాంత్, నవీన్ చంద్ర, సునీల్, జయరాం, అంజలి తదితరులు ముఖ్యపాత్రలు చేస్తున్నారు.

ఈ సినిమాకు స్టోరీ లైన్: కార్తీక్ సుబ్బరాజు, కధ: ఎస్‌.యు వెంకటేశన్, ఫర్హాద్ సంజీ, వివేక్, డైలాగ్స్: సాయి మాధవ్ బుర్ర, దర్శకత్వం: శంకర్, సంగీతం: థమన్, కెమెరా: ఎస్.తిరునవుక్కరసు, పాటలు: రామజోగయ్య శాస్త్రి, అనంత్ శ్రీరామ్, కాస్ర్ల శ్యామ్, యాక్షన్: ఆన్భైరవ్, కొరియోగ్రఫీ: ప్రభుదేవా, ప్రేమ్ రక్షిత్, గణేశ్ ఆచార్య, బోస్కో మార్షియా, జానీ, శాండీ, ఆర్ట్: అవినాష్ కొల్ల చేస్తున్నారు. 

నిర్మాతలు దిల్‌రాజు, శిరీశ్ కలిసి శ్రీ వేంకటేశ్వర క్రియెషన్స్ బ్యానర్‌పై నిర్మిస్తున్నారు. ఈ సినిమా సెప్టెంబర్‌ 27వ తేదీన విడుదల కాబోతోంది.