టాలీవుడ్ వార్తలు

తెలుగు సినీ ఇండస్ట్రీలోకి కొత్తగా వస్తున్న చిన్నహీరోలు, చిన్న దర్శకులు కూడా హిట్స్ కొడుతున్నారు. కానీ    గతంలో అనేక హిట్స్ అందించిన హీరో గోపీ చంద్, దర్శకుడు శ్రీను వైట్ల ఎందుకో చాలా వెనకబడిపోయారు. వారిద్దరూ కలిసి ఓ సినిమా చేస్తున్న సంగతి తెలిసిందే. చిత్రాలయం స్టూడియోస్ బ్యానర్‌పై దోనేపూడి వేణు నిర్మిస్తున్న ఈ సినిమాలో కావ్య థాపర్ గోపీ చంద్‌కు జోడీగా నటిస్తోంది. నాలుగు నెలల క్రితం అంటే సెప్టెంబర్‌లో ఈ సినిమా పూజా కార్యక్రమాలు నిర్వహించి రెగ్యులర్ షూటింగ్‌ ప్రారంభించారు.   

ప్రస్తుతం ఇటలీలోనిమిలాన్ నగరంలో ఈ సినిమా షూటింగ్‌ మొదటి షెడ్యూల్ పూర్తయింది. అక్కడ హీరోహీరోయిన్లపై ఓ సాంగ్, కొన్ని క్లైమాక్స్ ఫైటింగ్ సీన్స్ షూట్ చేసిన్నట్లు తెలుస్తోంది. ఇంతవరకు ఈ సినిమాకి టైటిల్‌ ప్రకటించలేదు. కానీ తాజా సమాచారం ప్రకారం విశ్వం అనే పేరు ఖరారు చేసిన్నట్లు తెలుస్తోంది. త్వరలోనే ఈ సినిమా ఫస్ట్-లుక్ పోస్టర్‌, టైటిల్‌ అనౌన్స్ చేయబోతున్నట్లు తెలుస్తోంది. 

ఈ సినిమాకి స్క్రీన్ ప్లే: గోపీ మోహన్, సంగీతం: చైతన్ భరద్వాజ్ అందిస్తున్నారు. 2024 వేసవి సెలవులలో ఈ సినిమాని విడుదల చేయబోతున్నట్లు తెలుస్తోంది.