టాలీవుడ్ వార్తలు

నందమూరి బాలకృష్ణ, కాజల్ అగర్వాల్ జంటగా నటిస్తున్న భగవంత్ కేసరి సినిమా నుంచి ఇటీవల విడుదలైన ఉయ్యాలో ఉయ్యాలో అంటూ తండ్రీ కూతుర్ల అనుబంధాన్ని వివరిస్తూ సాగే సాగే లిరికల్ వీడియో సాంగ్ అందరినీ ఎంతగానో ఆకట్టుకొంది. ఇప్పుడు ఆ పాటతో పాటు భగవంత్ కేసరి మేకింగ్ వీడియోని విడుదల చేశారు. ఇదివరకు విడుదల చేసిన మేకింగ్ వీడియోలో బాలకృష్ణ యాక్షన్ సన్నివేశాలను చూపగా, తాజా వీడియోలో బాలకృష్ణ, శ్రీలీలల మద్య సాగే భావోద్వేగ సన్నివేశాలను చూపారు. 

ఈ సినిమాకు కధ, స్క్రీన్‌ ప్లే, దర్శకత్వం: అనిల్ రావిపూడి, సంగీతం: ఎస్ఎస్ ధమన్, కెమెరా: సి.రాంప్రసాద్, ఎడిటింగ్: తమ్మిరాజు, స్టంట్స్‌: వి వెంకట్ చేశారు. 

ఈ సినిమాలో రాంపాల్, శ్రవణ్, ప్రియాంకా జవల్కర్ తదితరులు ముఖ్య పాత్రలు చేశారు. అనిల్ రావిపూడి దర్శకత్వంలో తెరకెక్కిన ఈ సినిమాను షైన్ స్క్రీన్ బ్యానర్‌పై హరీష్ శంకర్‌ పెద్ది, సాహు గారపాటి నిర్మించారు. భగవంత్ కేసరి అక్టోబర్ 19న ప్రపంచ వ్యాప్తంగా విడుదల కాబోతోంది.