సంబంధిత వార్తలు
టాలీవుడ్ వార్తలు
అలా విలన్‌గా మారాను: శ్రీకాంత్ అడ్డాల
‘సీతమ్మ వాకిట్లో సిరిమల్లె చెట్టు’ సినిమా ఒక్కటి చాలు దర్శకుడు శ్రీకాంత్ అడ్డాల ప్రతిభని గుర్తించడానికి. ఇప్పుడు ఆయన తనలో నటుడిని కూడా తెలుగు ప్రేక్షకులకు పరిచయం చేయబోతున్నారు తన దర్శకత్వంలో తెరకెక్కిస్తున్న ‘పెదకాపు’ సినిమాతో.
రెండు భాగాలుగా తీస్తున్న ఈ సినిమాలో తనికెళ్ళ భరణి, నాగబాబు, రాజీవ్ కనకాల, రావు రమేష్, ఈశ్వరి, అనసూయ తదితరులు ముఖ్యపాత్రలు చేస్తున్నారు. ఈ సినిమాలో దర్శకుడు శ్రీకాంత్ అడ్డాల విలన్‌గా నటిస్తున్నారు.
నిజానికి ఈ పాత్ర కోసం మలయాళ నటుడు శౌబిన్ షహీర్‌ను అనుకొన్నామని కానీ షూటింగ్‌ మొదలయ్యే సమయానికి ఆయన రాకపోవడంతో నా అసోసియేట్ కిషోర్ అన్నా నువ్వే ఈ పాత్ర ఎందుకు చేయకూడదు?అంటూ ప్రోత్సహించడంతో ధైర్యం చేసి మేకప్ వేసుకొని కెమెరా ముందుకు వచ్చానని దర్శకుడు శ్రీకాంత్ అడ్డాల చెప్పారు. ఈ సినిమా ట్రైలర్‌ విడుదలైంది కనుక దానిలో ఆయన నటన ఏవిదంగా ఉందో చూడవచ్చు.
