టాలీవుడ్ వార్తలు

నవీన్ మేడారం దర్శకత్వంలో వస్తున్న ‘డెవిల్’ సినిమాలో కళ్యాణ్ రామ్‌ ‘ది బ్రిటిష్ సీక్రెట్ ఏజంట్’ గా నటిస్తున్నాడు. ఈ సినిమాలో మలయాళ నటి సంయుక్త మీనన్‌ హీరోయిన్‌గా చేస్తోంది. సోమవారం ఆమె పుట్టినరోజు సందర్భంగా అభిషేక్ పిక్చర్స్ ఈ సినిమాలో ఆమె ఫస్ట్-లుక్ పోస్టర్‌ సోషల్ మీడియాలో విడుదల చేసింది. సాంప్రదాయబద్దంగా చీరకట్టుకొని, పూలు, కొబ్బరికాయ పట్టుకొని గుడికి వెళుతున్నట్లున్న ఆ పోస్టర్ చాలా ఆకట్టుకొంటోంది.        

కళ్యాణ్ రామ్ కెరీర్‌లో తొలిసారిగా చాలా బడ్జెట్‌తో పాన్ ఇండియా మూవీగా 5 భాషలలో ఈ సినిమాను అభిషేక్ పిక్చర్స్ బ్యానర్‌పై అభిషేక్ నామా నిర్మిస్తున్నారు. ఈ సినిమా కధాంశం యావత్ దేశ ప్రజలు కనెక్ట్ అవుతారు కనుక సినిమాను చక్కగా తీయగలిగితే కళ్యాణ్ రామ్‌ కూడా ఈ సినిమాతో పాన్ ఇండియా హీరోగా మరింత ఎదుగుగుతారు.  

డెవిల్ సినిమాకు కధ: శ్రీకాంత్ విస్స, సంగీతం: హర్షవర్ధన్ రామేశ్వర్, కెమెరా: సౌందర్ రాజన్ అందిస్తున్నారు. ఈ సినిమా నవంబర్‌ 24వ తేదీన ప్రపంచవ్యాప్తంగా విడుదల కాబోతోంది.