సంబంధిత వార్తలు
టాలీవుడ్ వార్తలు
నవంబర్‌ 24న డెవిల్ ఈజ్ కమింగ్
నందమూరి కళ్యాణ్ రామ్ ‘అమిగోస్’లో మూడు విభిన్నమైన పాత్రలలో చేసి మెప్పించాడు కానీ సినిమా కమర్షియల్‌గా సక్సస్ కాలేదు. దాని తర్వాత నవీన్ మేడారం దర్శకత్వంలో ‘డెవిల్’ అనే సినిమా చేస్తున్నాడు. ఈ సినిమాలో కళ్యాణ్ రామ్ ‘ది బ్రిటిష్ సీక్రెట్ ఏజంట్’ గా నటిస్తున్నాడు. భారత్‌-పాక్ రెండుదేశాలుగా విడిపోయినప్పటి కొన్ని ఘటనల ఆధారంగా ఈ సినిమాను తెరకెక్కిస్తున్నారు. కనుక నిన్న స్వాతంత్ర దినోత్సవం సందర్భంగా డెవిల్ సినిమా నుంచి మరో పోస్టర్‌ విడుదల చేశారు.
కళ్యాణ్ రామ్ కెరీర్‌లో తొలిసారిగా చాలా బడ్జెట్‌తో పాన్ ఇండియా మూవీగా 5 భాషలలో ఈ సినిమాను అభిషేక్ పిక్చర్స్ బ్యానర్‌పై అభిషేక్ నామా నిర్మిస్తున్నారు. ఈ సినిమా కధాంశం యావత్ దేశ ప్రజలు కనెక్ట్ అవుతారు కనుక సినిమాను చక్కగా తీయగలిగితే కళ్యాణ్ రామ్ కూడా ఈ సినిమాతో పాన్ ఇండియా హీరోగా మరింత ఎదుగుగుతారు.
డెవిల్ సినిమాకు కధ: శ్రీకాంత్ విస్స, సంగీతం: హర్షవర్ధన్ రామేశ్వర్, కెమెరా: సౌందర్ రాజన్ అందిస్తున్నారు. ఈ సినిమా నవంబర్‌ 24వ తేదీన ప్రపంచవ్యాప్తంగా విడుదల కాబోతోంది.
