టాలీవుడ్ వార్తలు

మాస్ మహారాజ రవితేజ, నుపూర్ సనన్, గాయత్రి భరద్వాజ్, రేణూ దేశాయ్ ప్రధాన పాత్రలలో తెరకెక్కుతున్న టైగర్ నాగేశ్వరరావు సినిమాలో ప్రముఖ బాలీవుడ్‌ నటుడు అనుపమ్ ఖేర్ ఇంటలిజన్స్ బ్యూరో అధికారిగా నటిస్తున్నారు. ఇవాళ్ళ స్వాతంత్ర దినోత్సవం సందర్భంగా టైగర్ నాగేశ్వరరావు సినిమా నుంచి ఆయన పోస్టర్‌ రిలీజ్‌ చేసింది చిత్రనిర్మాణ సంస్థ అభిషేక్ ఆర్ట్స్. 

 1970 దశకంలో ఆంధ్రప్రదేశ్‌లో పేరుమోసిన బందిపోటు దొంగ టైగర్ నాగేశ్వరరావు. అతని జీవిత కధ ఆధారంగా అదే పేరుతో రవితేజ ఆ సినిమా చేస్తున్నారు. వంశీ దర్శకత్వంలో తెరకెక్కుతున్న ఈ సినిమా అక్టోబర్ 20న విడుదల కాబోతోంది. 

టైగర్ నాగేశ్వరరావు సినిమాలో మండవ సాయి కుమార్, ముఖేష్ చబ్ర, ప్రవీణ్‌ దాచారం తదితరులు ముఖ్యపాత్రలు చేస్తున్నారు. రాష్ట్రాన్ని గడగడలాడించే బందిపోటు దొంగ టైగర్ నాగేశ్వరరావు, అతని అనుచరులలో పరివర్తన తెచ్చేందుకు ఎంతగానో కృషి చేసిన ప్రముఖ సామాజికవేత్త ‘హేమలత లవణం’ పాత్రలో రేణూ దేశాయ్ నటిస్తున్నారు.  

అభిషేక్ అగర్వాల్ ఆర్ట్స్ బ్యానర్‌పై అభిషేక్ అగర్వాల్ ఈ సినిమాను తెలుగు, తమిళ్, కన్నడ, మలయాళం, హిందీ భాషల్లో పాన్ ఇండియా మూవీగా నిర్మిస్తున్నారు. ఈ సినిమాకి డైలాగ్స్: శ్రీకాంత్ విస్స, కెమెరా: ఆర్‌ మాధే, సంగీతం: జీవి ప్రకాష్ కుమార్ అందిస్తున్నారు.